ඉන්ටනෙට්

කාලයක් තිබ්බා 

කිලෝබයිට් විස්ස තිහ

ඩවුන්ලෝඩ් වෙද්දි 

තප්පරේට

ප්‍රීතියෙන් පිනාගිය

ඩවුන්ලෝඩ් උනත් දැං

මෙගාබයිට්වලින්

තප්පරේට

නෑ කිසිම සතුටක්

"මොන රෙද්දක්ද

මේ මගුල

හරිම ස්ලෝ"

සරල සහ සංකීර්ණ

පාට ගලපලා

ඇඟට තියලා

කැරකිලා ඇඹරිලා

කණ්ණඩිය ඉස්සරහ

හරියන්ඩ ගැලපෙන්ඩ

කරාඹුත් දාලා

යාළුවෝ හැඩයි කියු

සෙරෙප්පුත් දෙපා ලා

එන ඈව හමුවන්න

ඇඳ මතින් පුටු වතෙන්

ඇහිඳ ළංකොට නැහැය

විලවුන්ද ඉස කමිසෙ

ගඳ බලා ඇඟෙහි ලා

හනි හනික පමා වී

එයි ප්‍රේම කුරුල්ලා

මකබෑවියං මදුරුවා....

කූං ගාගෙන 

කණ වටේ කැරකුණාට

මරන්ඩනං නෑ වෙලාවක්

ඇසිල්ලක අවසරයෙන්

අත අහකට අරගෙන

එළවනවා විතරයි

ඒත් 

දුරස් උනත්

එක නිමේෂයකට 

ආයෙත් එන්නේ 

'රූං' ගාගෙන

නෝන්ඩියටත් එක්ක

කකුල් දෙකම

වහගෙන සරමෙන්

ඉන්න මුත්

අත් දෙකට නෑ රැකවරණ

දැවිල්ලක් එන්නෙ

කාලා වගෙයි

වැළමිට හරිය

ඇයි බං

දීපල්ලකෝ එක විනාඩියක

සැනසිල්ලක්

හයිස්කෝර් ගහනකං

සබ්වේ සර්ෆර්ස්වල

ඈ..

පවසට 

දිය බිඳක් ඉල්ලීමි

දෙපයෙන් මා ඔසවා

හිස දියෙහි ඔබා

හිනැහෙන්නී

පවස සිඳුනාදැයි අසන්නී

සිසිලට

උණුසුමක් පැතීමි

දෑත් බැඳ

හිසෙලි ගිනි ලා

කෝල ලෙසින් 

උණුසුම්දැයි අසන්නී

යටිපතුල් පලා

ලුණු ගල්වන්නී

නිය'තර

ඉඳිකටු තුඩු රන්දන්නී

මුළු හදින්ම මා හට

ප්‍රේම කරන්නී

ඈ දුරක ගොස් ය...

ඒ දවස්වල වගේමයි

චිත්තරපටි ශාලාව ඉස්සරහා

රසිකයෝ නෑ අදත්

කපල් නං හිටියා මහ හුඟක්

ෆයිල් එකේ

ටියුෂන් සර්ගේ 

නම තියෙන තැන

අල්ලෙන් වහගෙන

උං හිටියේ බදාගෙන

එකිනෙකා කිටි කිටියේ...

දුරට පෙනුනේ 

හරියට ඔලු දෙකේ මිනිස්සු වගේ

දෙන්නෙක් හේත්තුවෙලා හිටියේ 

එදා මගේ ෂර්ට් එක ඉරිච්ච තැනමයි

"මල්ලි පොඩ්ඩක් එහාට යන්ඩ

ඔය ඇණේ ෂර්ට් එක පැටලෙයි"

කියන්ඩ හිතුනත්

කිව්වේ නෑ මං

හෙඩ් සෙට් එක කණේ ගහං

හොරාට මම රසවින්දා

උංගේ සුන්දර ප්‍රේමය

උගේ උරහිසට හිස තියාගෙන

ඇගේ ඇඟිලි තුඩු එහේ මෙහේ දිව්වා

උගේ උදරය දිගේ

කිතිය දැනුනා නෙමෙයි

මතක් උනා මට

ෂර්ට් එකේ 

කොලර් එක අස්සෙන්

උණුසුමට හුස්මක්

ඇදිලා යනවා වගේ දැනිලා

මම වටපිට බැලුවත්

ඒකත් මතකයක් විතරයි

රැවටුනා මම ඇත්තටම

ටිකට් දෙක දෙක

කඩලා පුරුදු 

කවුන්ටරේ අයියත්

මං දිහා බැලුවේ සැකෙන්

මට පිටිපස්සෙන් හිටපු උනුත්

බලන්ඩ ඇති 

පුදුමයෙන්..

මගේ පිටට දැනුනා

ඒත් හැරිලා බැලුවේ නෑ

ලැජ්ජාවටත් වඩා දුකට

ඇතුලට ගිය වෙලේ ඉඳං

අනිත් උන් පුටු දෙක යාකරමින්

හැදුවා ආරුක්කු

මම විතරක් අයිෆල් කුළුණ වගේ

තෙතට උණුසුමට දැනුණු

මගේ මූන පුරා  දිවගිය

තොල් දෙකක

ආශ්වාද ජනක මතකය

නැතිකළා පුටුවේ හිටපු මකුණෙක්

බෙල්ල දිගේ

ඉහළට ඇදුනු

සිඟිති ඇඟිලි තුඩු

ඇඟේම හිරිගඩු පුබුදුවමින්

කනක් පිටිපස කිති කැව්වා

මතකද ඒ දවස්?

චිත්‍රපටිය ඉවර වෙලා

බෙල් එක ගැහුව ගමං

හෝල් එකෙං දිව්වා මං

අනිත් උන් කොණ්ඩේ පීරන

ඇඳුං හදාගන්න වෙලාවේ...

මගේ හීනය

හීනයක් තිබුණා මටත්

පහුගිය කාලේ

මුළු රෑම ඒ පැත්තට මේ පැත්තට

පෙරලි පෙරලි 

ලුණු රහට පෙඟුනු කොට්ටේ

කොහේ හරි කොනක

සීතල වර්ග අඟලක් හොයද්දි,

ඇඳ පාදමේ යකඩ ඇණ හිසක

සීතල හොයාගෙන

කකුල එහෙ මෙහෙ දුවද්දි,

දුඹුළු බැඳිච්ච පංකා තටු

කිරි කිරි ගාන 

කෙඳිරිය ඇහෙද්දි

හීනයක් තිබුණා මටත්

ඉහේ ඉඳං පොරවගෙන

හීතට ගුලිවෙලා නිදාගන්ඩ

ඊයේ රෑ තමයි රෑ

මගේ ආදර පොරවන රෙද්ද

ඉස්තූති කරමු අපි වැස්සට

ආයෙමත් එකතු කළාට

අපි දෙන්නව

!

අම්මෙක්, ලොකුකමක් සහ පොඩි එකෙක්

අනේ කන්නෑනේ
අපේ පුතා
කොච්චර කරදරයක්ද
චීස් ජුන්ඩක් කනවා
එච්චරමයි
බත් පේන්ඩ බෑ
බලන්ඩකෝ ඇඟේ හැටි

එදා පාටි එකේදි
බත් ඉල්ලලා ඇඬුවම
අතින් අල්ලලා
ගස්සලා හොලවලා
කනට කොඳුරලා
කිව්වා මෙහෙම
පටං ගත්තද බෙරිහං දෙන්ඩ
කෑම දැකලා නෑ වගේ
යමුකෝ ගෙදර
මම දෙන්ඩ පාර

අනේ මේ ලොකු උන්ට
පිස්සුද කොච්චරක්
චුට්ටකට කළිං කිව්ව එක
මේ දැං නෑ මතක

මට පිස්සු වගේ

හිතේ නෑ කිසි නිදහසක්
හිත නිවා ගන්ඩ
කියවන්ඩ ගත්තා
සේකර
අනේ බං සේකර
උඹත් අවුල් කරනවා විතරයි
ඔලුව, හිත, ගත

හවස හරි වැස්ස
හයිඩ් පාර්ක් එකේ
පිකට් එකේදි තෙමුනා හොඳටම
යකඩ කටෙන් ගුගුරලා
කට්ටිය කිව්වා දිවුරලා
රැකගන්නවා කියලා
නිදහස් අධ්‍යාපනේ
ඒ උනත් තෙමුනා අපි වැස්සට

නහයත් බරයි
කැස්සත් වගෙයි
සීයයට හයක් දුන්නොත්
අධ්‍යාපනේට
හැදෙන එකක් නැද්ද
හෙම්බිරිස්සාව


පීනසෙත් වගේ
ඉදිලා තැනින් තැන කෙස් ගස්
පීනසේටමත් නෙමේ
ඉගෙනගෙනම
වයසට ගිහිල්ලා

දුකට සැපට
එකට හිටපු
සිගරැට්ටුව බෙදං බීපු
මිත්‍රයෝ හම්බ කරනවා
හරි හරියට
අපි තාම වියදං කරනවා
හරි හරියට
බස් එකේදි ළඟිං හිටපු
පන්තියේදි පොත පෙන්නපු
මිතුරියෝ
තඩි බඩවල් උස්සාගෙන
ක්ලිනික් යනව

ලෙචාලා ඉස්ට්‍රයික්ලු
ආණ්ඩුවට ගානක් නෑලු
ඩිග්‍රිය වැඩක් නැතිලු
මේවට ජොබ් නෑලු


රජරට වගේ නැතිලු
මාළඹේ සුරපුරක්ලු
සුර අඟනුන් යත් එහේ මෙහේ
සුර දනන් නෙත් පවස නිවමින්
බස්වලින් නෑ ගමන්
මාතලීලා එනවා උදේට හවසට
කේඑෆ්සී එකෙන් කාලා
එම්සී එකේ මූවි එකක් බලලා
ක්ලිනිකල්ස් යනවාලු

හයිඩ් පාර්ක් එකේ ඉඳං
ආවා පයිංම
ඉතුරුයි නේ රුපියල් නවයක්ම
නෑ දහයක්ම
ඉතුරු රුපියල දෙන්නෑනෙ කොන්දා
මහපොලක් දාලලු
සතුටට කෑවා කැන්ටිමෙන්
උළුඳු වඩේ දෙකක්ම
දත් අස්සේ ඉතුරු වෙච්චි
වඩේ කෑලි ටිකත්
ප්ලේන්ටියකින් හෝදලා
යැව්වා බඩටම
බෝඩිමට ආවට
නෑ කිසි නිදහසක් හිතේ, ගතේ

සේකර,
මම ආයෙත් කියවන්නං
තව මොනවා අවුල් වෙන්ඩද?
හිතේ, ගතේ.....

දරිද්‍ර

කැරපොත්තෙක් 

පියාඹා ඇවිත්

වැටුනා බත් පිඟානට

සුදු පාට බත් ඇට

ඉව කරමින් පිඟාන පුරා

ඇදෙන කැරපොත්තා දිහා

බලා හිටියා මම

අනිමිසලෝචනයෙන්

පිඟානෙන් නැගී

මගේ අත දිගේ 

ඇදුනා ඌ

ඇති කළා ම'හිත

කිතියක්, හිරිකිතක්

බත් පිඟාන නොහැලෙන්නට

ප්‍රවේසමෙන් නැගිටලා

ගසා දැම්මා කැරපොත්තා

වම් අතින් මම

හරි පිරිසිඳු සතෙක්ලු

කැරපොත්තා

පත්තරේක තිබුනා 

ලිපියක් ඒ ගැන

බත් කටක් අනලා

කටේ දාගන්න කොට 

හිතුවා මං එහෙම

හීනයක්

කොළඹට වැටිලා
හිම
සුදු පාටට
කුණු කාණු වැහිලා
නිළ මැස්සෝ මිදිලා

ගෝල් ෆේස් එක ළඟ
මුහුදේ අයිස් මත ලිස්සති
සුද්දෝ
අපේ උන් ගැහි ගැහී
බලං ඉඳිති කටවල් ඇරගෙන
ඉඳ හිට විසිල් ගසති
අත්පුඩිද තලති
ලද විටෙක
සීතලෙන් මඳ ඉසිඹුවක්

හිම කබා ඇත්තෝ
හිම බබ්බු හදත්
සොහොන් මත,
කබා නොමැතියවුන්ගේ...
තංගල්ලෙන් ගෙනැවිත්
කැරට් තබති නැහැයට
හිම බබ්බුංගේ

සාදු දෙත් සෙස්සෝ
සීතල අමතක කැරැ
මඳකට
අසල්වැසියාගෙන්
ලැබ උණුහුමක්,
පින් දෙත් හිම බබ්බුන්ටත්
කබා ඇත්තන්ටත්

කිසිවෙක් ඉඳහිට
කටුක සීතට බැණ අඬමින්
බෙරිහන් දී නිහඬ වෙත්
නිහඬ නොවූවෝ
නිහඬ කරනු ලැබෙත්
සදහටම!!!
සෙස්සෝ
හුරේ තබති එයටත්

පින්තූරෙ ගත්තේ : clipartxmas.com

???????

ඒ දවස්වල

මට විතරක් පායපු

අද 

ලෝකෙට පායන

අත්දෙක බරට 

ගෙදර එනකොට

විනාඩි ගාණකට

ආයෙමත් පෙනී 

නොපෙනී යන

දඩයමකට ඇමක් ද?

උඹේ හිනාව

 පින්තූරෙ ගත්තෙ : commentsyard.com

නව ජීවන ක්‍රමය

ලියුමක් ඇවිත්
බෝඩිමට
ආවමයි ලියුමක් මට
බෝඩිමට කෙසේ වෙතත්
ජීවිතේටම
පළවෙනි වතාවට

මෙරුවෝ සහ මරුවෝ

තටු ලැබිලා

උද්දාමයෙන්

මහ පොළවෙන් මතුවෙලා

මම පියාඹගෙන එනකොට

අවඥාවේ එක අතුල් පාරකින්

ගහපන් මගෙ තටු කැඩෙන්න

මම වැටුනාම

ආයෙත් 

පටන් ගත්තු

මහ පොළොවටම

දත්මිටි කාගෙන

'නොදකිං මේ කාළකන්නි සත්තු'

 කියලා

පාගලා දාපන් චප්පම වෙලා යන්න

ඒත් හිතන්න එපා

ඉවරයි කියලා

මෙරු එන තරමට

කී පාරක් කියලා ඕක කරන්නද?

අනාථ කවියා

කවියද ඔයාද
දෙකෙන් එකක්
තෝරගන්න කිව්වම
කවි ලියපු
අතත් එක්කම කපලා
වැළලුවා මම පෑන
අපේ ගෙදර
වත්ත පහල

ඌවද මාවද
දෙකෙන් එකක්
තෝරගන්න කියලා
මම කිව්වම
ඔයා
ඌව
තෝරගත්තට පස්සෙ
මම
වත්ත පහලට ගිහින්
හෑරුවා ආපහු වළ

ප්ලාස්ටික් පෑන
දිරලා නැතත් තාම
ඒක එක්ක වලදාපු
මගේ අත
නෑ පේන්ඩ
දිරලා ගිහිල්ලද කොහෙද

දැක්ම

"අපේ යක්කුන්ට
 තේරෙන්නෑ මල්ලි
 හයි වේ හදලා
 හැමතැනම
 සී ප්ලේන් එකේ
 යතෑකි රට වටේම
 කොච්චර කළත්
 අගයක් නෑ අපේ උන්ට"

එහෙම කියලා
ධර්මේ අයියා එල්ලුනා
කෝච්චියේ
ෆුට් බෝඩ් එකේ

"ඕයි
 යනවලකො
 පොඩ්ඩක් ඇතුලට
 පේන්නැද්ද
 දොරේ යන්නෙත්
 මිනිස්සුම තමයි
 තමුසෙලා විතරක්
 සැපට ගියාම හරිද?"

නිශ්ඵල

දැඩි වෙහෙසෙන්                 දුබල
හිස මත හිරු ද නැඟි              කල
සොයා සෙවනෙන්             සිහිල
රැඳී පල නැත කැහැටු රුක     මුල

තොල කට ද                       වේලී
තල්ලේ දිව ද ඇලි                ඇලී
සොයා දිය                     නිකෙළී
නොයන් සමුදුර බලා          ඉගිලී

සිතුවිලි                             ගුගුරලා
හදවත සොවින්                  බිඳිලා
ඇතත් තනි                           වීලා
නොයන් ළඳකගෙ සෙවණ පතලා

විශ්වාසය...

මට විශ්වාසයි
මාව,
ඔයාට විශ්වාසයි වගේ
ඔයාව,
මට විශ්වාස නෑ
ඔයාව,
ඔයාට විශ්වාස නෑ වගේ
මාව...,
ඉතිං
නිදහසට කරුණුවලට
තියෙනවද ඉඩක්....?

අපි

ඔයාට මම ඉන්නවා
මට ඔයා ඉන්නවා
ඔයත් තනි නෑ
මමත් තනි නෑ
ඒත් අපි.........?

ෆැකල්ටියේ විරහව....

රුපියල් දෙකේ
ප්ලේන්ටියෙන්
ඉතුරු වෙනවා
රුපියලක
තාම
ඇවිත් බොන්න
මම ගියාමවත්

හැබැයි
දැනටමත් නිවිලා

රිවාරේස්

ඉපදෙන්න බැරිද මෙහේ
දේශපාලන
අසූචි කන්දට
බැති ගී ගයන
නිලමැස්සෝ බුරුතු
මිස
මෙහේ නැහැ උපන්නෙ
ඇටමැස්සෝ