23 January 2014

උඹ නාඩං උඹ නාඩං උඹට ඕවා හොඳ පාඩං...





දුක සැප නිති පෙරළේ අර මොකක්ද එක වාගේ කියලා කවුද මන්දා කියලා තියෙනවා නෙව.ඔන්න ඉතිං මගේ ජීවිත කතා පොජ්ජේ අලුත්ම පෙරළිය ගැන කතා පොජ්ජක් මන්දු කරන්ඩ තමා මේ ලෑස්ති වෙන්නේ.

රට රකින පංච මහා බලවේගේ වෙච්ච සඟ වෙද ගුරු ගොවි කම්කරු කියන සැට් එකේ දෙවෙනියට ඉන්න වෙද කියන කට්ටිය ගැන හෙන ලොකුවට අපිට පොඩි කාලේ ඉඳලා කියලා තියෙන හින්දාත්, ඉස්කෝලෙ ගියාම ගුරුවරු, වැඩිහිටියො, අසල්වැසියෝ, යාලු මිත්‍රයෝ හැම එකාම ඕක කරගත්තනං හරි කියලා ගොනාට අන්දවපු හින්දාත්, කරුමෙට වගේ උ\පෙ පාස් වෙච්ච හින්දාත්, තාමත් ලංකාවේ සල්ලි නොගෙවා මෙව්වා උපාධිය ගන්ඩ ඇහැක් හින්දාත් මාත් අත්දිග කලිසමක් ඇඳලා බෙල්ට් එකක් කාරිය දාගෙන, දත් මැදලා කබ කඩලා පුංචි බොරැල්ලේ තියෙන මෙව්වා එකෙං වෛද්‍ය උපාධිය ගන්ඩ ගියා නෙව.

අනිත් උං කෙළ හලාගෙන හොටු පෙරාගෙන පාඩං කරද්දි පුරුදු විදිහටම වෙන වෙන වල්පල් වැඩවලට සෙට් වෙලා නොමග ගිහිල්ලා අන්තිමට හැරිලා බලද්දි ආපහු එන පාර හොයාගන්ඩත් බැරි උනා ආයිබෝවං.කිව්වට මොකෝ මම හිතුවේ මේක මේ අනිත් උං වගේ මැරීගෙන පාඩං කරන්ඩ තරං කාරියක් නෙමෙයි, මං දස්සයි නෙව ඒක හින්දා මේක සුටුස් ගාලා පාස් වෙන්ඩ පුළුවං කියලා.හුඃ අන්තිමට ආවනේ බොලේ රිසල්ට්ස්.

වැඩ පහකිං දෙකක් ෆේල් වෙලා අන්තිමේ
උඹ නාඩං උඹ නාඩං උඹට ඕවා හොඳ පාඩං //
මම නං
ගඟේ පනිනවා
වතුර බීලා මැරෙනවා
හුස්ම ටිකක් හිරවෙනකොට ගොඩ පීනනවා
රේල්ලුවට
බෙල්ල තියනවා
ජීවිතේ
එපා කියනවා
කෝච්චිය ළං වෙනකොට අපි නැගිටිනවා

හරි හරි අඬන්ඩ එපා බොලව්.විභාග තියෙන්නේ කට්ටියක් ෆේල් කරන්ඩ නෙව.එහෙම නැත්තං ඔක්කොමල්ලට ඩිග්‍රිය බෙදාගෙන යන්ඩ තිබ්බනේ.ඒක හින්දා ඒ අය මහන්සි වෙලා තියන විභාගවලින් කවුරු හරි ෆේල් වෙන්ඩත් ඕනේ.නැත්තං පව්නේ අප්පා.නැවත විභාගේ ඒ කියන්නේ රිපීට් එග්සෑම් එක තියෙන්නේ මැයි මාසෙ කියලා තමා කියන්නේ.එතකං කර්න්ඩ වැඩකුත් තියෙන්ඩ ඕනේ හින්දා රජරට කැම්පස් එකේ ජොබ් එකක් හොයාගත්තා.දැං ජීවත් වෙන්නේ සුන්දර රජරට.


ෂුඃ රජරට කියන්නේ සුරපුරයක් බොලව්.ලංකාවේ වැඩිම ගණිකාවො ඉන්න වගේම වැඩිම HIV ආසාදිතයින් ඉන්නෙත් මේ පුණ්‍ය භූමියේ.ටැප් එකකිං වතුර ටිකක් බොන්ඩ බැරි උනාට, හවස් වෙනකොට මදුරුවෝ වටකර ගත්තට මේ පැත්තේ තියෙන නිදහස පට්ට ආතල්.කොළඹ වගේ, ගම්පහ වගේ මිනිස්සු එකට මිරිකිලා ගුලිවෙලා ඉන්නේ නෑ.හොඳට ඉඩකඩ තියෙනවා.වාහන සද්දේ එහෙමත් වැඩිය නෑ.ඕනේ නං නාන්ඩ වැව් තියෙනවා, සෙල්ලං කරන්ඩ ෆැකල්ටියේ පිට්ටනිය තියෙනවා.පොඩි අවුලකට තියෙන්නේ ෆැකල්ටියේ පිට්ටනියේ පොළොංගු ඉන්නවා කියන එක තමා.හැබැයි තාම දැක්කේ එක ගැරඬියෙක් විතරයි.

මෙහෙ තවම ආවට වැඩිය එහෙ මෙහේ යන්ඩ හම්බ උනේ නෑ.හැම සති අන්තෙම අපේ එකෙක් බඳිනවා.ඉතිං ගෙදර යන්ඩ වෙනවා.ඉතිං ඒ හින්දා මෙහේ සිද්දි ඇතුළුව මගේ බ්ලොග යාවත්කාලීන කරන්ඩ හරියට වැඩ අල්ලන්ඩ තව ටික දවසක් යනවා.ඒ අතරේ පිං කැමති කවුරුහරි ඉන්නවනං අනාගත වෛද්‍යවරයෙක්ට රජරට ඉඳලා වකුගඩු කෙළ උනාම O පොසිටිව් වකුගඩුවක් දන් දෙන්ඩ චෑන්ස් එකක් සෙට් වෙයි සමහර විට.ලෑස්ති පිට ඉන්ඩ හරිය.ඔන්න අපි කැපුනා.අනුරාධපුරේ ශුෂ්කයි කිව්වට සීතලයි බොලව්......



04 January 2014

කොන්ඩම් ප්‍රශ්නයක්....





ටිකක් කාර්ය බහුල වෙච්ච හන්දා බ්ලොග් එක බලන්ඩවත් බ්ලොග් කියවන්ඩවත් හම්බ උනේ නෑ.අපිත් දැං පරිණත වයසක මිනිස්සු වෙච්ච එකේ ශ්‍රම බලකායටත් එක්කාසු වෙන්ඩ කාලෙත් හරි.බලමුකෝ ඒවත් එන එන විදිහට ගහමු උළුවස්ස.බ්ලොග් එක නිකාං ඔහේ පාළු වෙලා යනවා දැක්කම මගේ පපුව හෝස් ගාලා ගියා.ඒ හින්දා පුංචි පහේ ගැටළුවක් දෙන්ඩ තීරණය කළා මගේ සහෘද පාඨක ජනතාවට.ඕං ඉස්සෙල්ලාම කියන්ඩ ඕනෑ මට ඇත්තටම මතක නෑ මම මේක බ්ලොගේ කළිං දැම්මද කියලා.මට හිතෙන්නේ දැම්මේ නෑ වගේ.ඒ වගේම මේක වෙන කොහෙවත් කවුරුවත් දාලා තියෙනවද කියලා දන්නෙත් නෑ.එහෙම දාලා තියේ නං මේ බුද්ධිමය දේපල කොල්ල කෑමක් නෙමෙයි නොදැනුවත් කම හින්දා වෙච්චි අහිංසක අත් වැරැද්දක් විදිහට සළකලා සමාව දෙන්ඩ ඕනේ හරිය!!

මේක මේ මතක් උනේ අපේ කාටවත් කඩේ නොයන පොලිස් මාජ්ජ ප්‍රකාශක ඇත්තා මේ ඊයෙ පෙරේදා කියලා තියෙනවනේ කොන්ඩම් ළඟ තියං ඉන්න එක නීතිය ඉදිරියේ වැරැද්දක් නෙමෙයි ය කියලා.උන්දැගෙ හිතේ අපි ඒක දන්නෑ කියලා.ඇයි බොලේ කඩේ විකුණන්ඩ තියෙන එක අවුලක් නැත්තං, කොන්ඩම් තියෙන්නේ මිනිස්සුන්ට අරං පාවිච්චි කරන්ඩ නං, ඒකක් ළඟ තියං ඉන්න එක වැරැද්දක් වෙන්ඩ ඇහැක්ද මං අහන්නේ?විකුණන එක අවුලක් නෑ හැබැයි ළඟ තියං ඉන්න එක අවුල් නං ඔය ෆාමසිවලයි ඔය සමහර සිල්ලර කඩවලයි පැත්තෙං පුංචියට මඩුවක් හරි කූඩාරමක් හරි ගහලා දෙන්ඩ ඕනෑ පාරිභෝගික ජනතාවට කොන්ඩම් එක ගත්තු ගමං පාවිච්චි කරලම ගෙදර යන්ඩ.

හරි ඒවයිං වැඩක් නෑ.දැං එමු අපි මොළේ කළඹවන ලොවෙත් ගැටළුව ගැන කතා කරන්ඩ.

හරියට අහගන්ඩ ඕනෑ හරිය!!

ඔන්න එක ස්ත්‍රී රත්නයක් ඉන්නවා ලිංගිකව සම්ප්‍රේශනය වෙන ලෙඩක් තියෙන.අපි කියමුකෝ ගොනෝරියාව කියලා.මේ ගෑනු මනුස්සයා එක්ක අහවල් වැඩේ හෙවත් රමණ සාජ්ජයක් දාන්ඩ සෙට් වෙනවා කොල්ලො තුන් දෙනෙක්.වැඩේ කියන්නේ මේ කොල්ලො තුන්දෙනාටත් ජාති තුනක ලිංගිකව සම්ප්‍රේශනය වෙන රෝග තුනක් තියෙනවා.අපි කියමු එක්කෙනෙක්ට තියෙනවා සිෆිලිස්, තවත් එකෙක්ට තියෙනවා HIV, අනිත් එකාට තියෙනවා හර්පීස් කියලා.





දැං පැහැදිලියිද සීන් එක.හතර දෙනාටම තියෙනවා ලිංගිකව සම්ප්‍රේශනය වෙන ලෙඩ හතරක්.හැබැයි කොල්ලො තුන්දෙනාම වැඩේ අතෑරලා යන්ඩ කැමති නෑ.අපි කියමුකෝ තුන් දෙනාම හිරෙන් අවුරුදු ගාණකට පස්සේ නිදහස් වෙච්ච ගමං කියලා.ගෑනු මනුස්සයත් අකමැති නෑලු.හැබැයි අවාසනාවක මහත කියන්නේ (නිශාන්ත මුතුහෙට්ටිගම තරං විතර මහතයි ඈ ) කොල්ලො තුන්දෙනා ගාව තියෙන්නේ කොන්ඩම් දෙකක් විතරයි.(කොන්ඩම් පැකැට්ටුවක් කොන්ඩම් තුනක් තිබෙන මුත් මේ අවස්ථාවේදී එයින් එකක් පළුදු වී ඇති බව ඔවුන් සොයා ගත් බව සළකන්න ) දැං ඉතිං මොකද කරන්නේ කොන්ඩම් දෙකෙන් කොහොමද තුන්දෙනාම අහවල් වැඩේ කරන්නේ ලෙඩක් හදා ගන්නෙත් නැතුව කියලා කල්පනා කරලා කරලා කරලා කරලා කට්ටිය හොයා ගත්තා විසඳුමක්.

මොකක්ද ඒ විසඳුම කියලා තමයි අද ප්‍රශ්නය.ඔබේ පිළිතුරු තැපැල්පත්වල පමණක් ලියා පෝස්ටුවට පහලින් ඇති කොමෙන්ටු තීරුවේ දමන මෙන් කාරුණිකව දන්වා සිටිමි.ජයග්‍රාහකයින්ට අපේ රජ පවුලේ දැවැන්ත වෛවර්ණ ඡායාරූපයක් බැගින් ලබා දෙනු ලැබේ...

උත්තරේ කල්පනා කරද්දි සැළකිළිමත් වෙන්ඩ ඕනෑ එක කොල්ලෙක්ගේ ලෙඩක් තව කොල්ලෙක්ට බෝ වෙන්ඩත් බෑ.ඒ වගේම මේ ගැටළුව විසඳීම සඳහා ඔබ එදිනෙදා කොන්ඩම් බාවිතා කරන තත්‍ය ක්‍රමවේදයෙන් මදක් බැහැර වූ කාල්පණික ක්‍රම වේදයක් කරා යොමු වීමද අවශ්‍ය වෙනවා.

හරි එහෙනං හොඳට කල්පනා කරලා උත්තරේ හොයන්ඩ බලන්ඩ.මොකද අපේ සුන්දර සිරි ලංකාව ආශ්චර්යයේ මෙව්වා එක උනාම මේ වගේ අනපේක්ෂිත අර්බුධවලට ඔය කට්ටියත් මූණ පාන්ඩ පුළුවං....එහෙනං ජය වේවා!!!





ඔන්න දැම්මා උත්තරේ යටිං

.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.


අපි ඉස්සෙල්ලාම කොන්ඩම් දෙක නම් කරගම්මුකෝ A සහ B කියලා.පළවෙනි කොල්ලා දාගන්නවා කොන්ඩම් දෙකම.A කොන්ඩම් එක ඇතුලෙනුත් B කොන්ඩම් එක පිටතටත් විදිහට.එයාගේ වැඩේ ඉවර උනාම දෙවෙනි එක්කෙනා දාගන්නවා B කොන්ඩම් එක.ඒකේ ඇතුල් පැත්තේ මොනවත් ගෑවිලා නෑනේ.ඊට පස්සේ තුන් වෙනියා දාගන්නවා A කොන්ඩම් එක කනපිට හරවලා.A කොන්ඩම් එකේ පිට පැත්තේ මොනවත් ගෑවිලා නෑ නෙව.ඊට පස්සේ B කොන්ඩම් එක දාගන්නවා A කොන්ඩම් එකට උඩිං.මොකද B කොන්ඩම් එකේ පිට පැත්ත ගෑවිලා තියෙන්නේ ගෑනු මනුස්සයගේ මෙව්වා එකේ විතරයිනේ.

ඔන්න ඔහොමයි අරපිරිමැස්මෙන් වැඩ කරන්නේ.හැබැයි මේක ප්‍රායෝගිකව කරන්ඩ බෑ හොඳේ.ඒක හින්දා සැබෑ ලෝකයේදී මෙව්වා කරදී සල්ලි සල්ලි කියලා බලන්නැතුව ඇති වෙන්ඩ කොන්ඩම් අරං යන්ඩ.වරකට එක බැගින් පාවිච්චි කරන්ඩ.