22 June 2011

පොලීසි සහ උසාවි

ඔන්න අද තවත් මට හිතුන පටලැවිල්ලක් ගැන කියන්ඩයි හිතුවෙ.

ඇත්තටම මිනිස්සුන්ට පොලිසියක් සහ උසාවියක් අවශ්‍ය ද?

ඔන්න ඕක කවුරු හරි මීට කලිං හිතල තියෙනවනං සමහරවිට මගෙ දැක්මට වඩා වෙනස් දැක්මක් දැනටමත් තියෙනවා වෙන්න පුළුවං.එහෙම හිතුවෙ නැත්තං මේක කියවන්ඩ කළිං තනියම හිතල තමංගෙ මතේකට ඇවිත් ඉන්ඩ කියලා මම කාරුණිකව ඉල්ලා හිටිනවා.මොකද මට ඕනෙ මගේ මතවාද කියන්ඩ මිසක් ප්‍රත්‍යක්ෂ කරවන්ඩ නෙමෙයි.

'අනේ බූරුවො උඹේ කතා අපි ඇත්තට ගනී කියල උඹ හිතනවද මෝඩයා' කියල කවුරු හරි හිතනවනං කියන්ඩ තියෙන්නෙ මීට පෙර එසේ සිදු වී ඇත කියල තමයි.

හරි එහෙනං පණ්ඩිත කතා ඉවරයි.මේකයි මගේ මතවාදය.

පොලීසියක් හෝ උසාවියක් අපිට අවශ්‍ය වෙන්නෙ ඇයි?කවුරුහරි අපිට කරදරයක් අසාධාරණයක් කළොත් සාධාරණය ඉල්ලගන්න.වැරැද්ද කරපු එකාට දඬුවම් කරවන්න.කවුරුත් මේකට එකඟවෙනවා ඇති.

නමුත් මේ සමාජයේ (මම ලේසියට ගන්නං අපේ රට ) මමත් ඇතුළත් වන ඉතාම ක්ෂුද්‍ර කුලකයක් හැර අතිමහත් බහුතරය මොනවා හෝ විශ්වාසයක්, අධ්‍යාත්මික මතයක් සහිතවයි ජීවත් වෙන්නෙ.

අපි මුළින්ම ගමු බෞද්ධයෝ.අවිහිංසාවාදීම දහමක්නෙ මේ.ඉතිං බුදු හාමුදුරුවො කියල තියෙනවද තමන්ට අකටයුත්තක් කරපු කෙනෙක්ගෙන් පළිගන්න කියලා.අනික බෞද්ධ ජනතාව විශ්වාස කරනවනෙ කර්මය ගැන.කර්මය විශ්වාස කරන අය කියන්නෙ කවුරු හෝ වැරැද්දක් එහෙම නැත්තං පාපයක් කළොත් ඒක කවදා හෝ ඒක පළ දෙනවාමයි අහෝසි කර්මයක් සිද්ධ නොවුනොත් කියලා.එහෙමනෙ ?.ඉතිං උඹ තල වැපිරුවොත් තල, මුං වැපිරුවොත් මුං කියල නිකං ඉන්නව මිසක් උගෙන් පළිගන්න නඩු දාන එකවත්, පොලීසියට ගිහින් පැමිණිල්ලක් දාන එකවත් නෙමෙයිනෙ බෞද්ධයා කළ යුත්තෙ.

ඊළඟට වැඩි පුරම ඉන්නෙ ක්‍රිස්තියානි ඇත්තොනෙ.පරණ තෙස්තමේන්තුව ඇහැට ඇහැක් දතට දතක් කිව්වට ජේසුස් වහන්සේ කිව්ව විදිහට අළුත් තෙස්තමේන්තුවෙ පළිගන්න එපා කියල තියෙනවනෙ.

"ඇසකට ඇසක්ය, දතකට දතක්යයි කී බව නුඹලා අසා තිබේ.නුමුත් මම නුඹලාට කියමි: නපුරු අය සමඟ පොරට නොසිටිල්ලා.යමෙක් නුඹේ දකුණු කම්මුලට ගැසීනම් ඔහුට අනික් කම්මුලද හරවාපන්න.යමෙක් නඩු කියා නුඹේ අඳනය ගන්ට කැමතිවීනම්, ඔහුට නුඹේ උතුරු සළුවත් ගන්ට ඉඩ ඇරපන්න.යමෙක් එක හැතැප්මක් යන්ට නුඹට බලාත්කාරකෙරේද, ඔහු සම්ඟ හැතැප්ම දෙකක් පලයන්න."

කීවා මිස නඩු දමාපන්න, පොලිසි පලයන්නැයි කීවේ නැත.මොකද දඬුවම් දීම දෙවියන් වහන්සේගේ වැඩක්නෙ.අනික තව කෙනෙක් විනිශ්චය කරන්ඩ අපි කවු ද?ඒකනෙ "පවු නොකල තැනැත්තා පළමු ගල ගසාපල්ලා" කියල කිව්වෙ.

ස්ථිර ආත්මයක්, කර්මය මෙන්ම දෙවියන් ගැනද විශ්වාස කරන හින්දූන් ඉන්නෙ කලිං කිව්ව ආගම් දෙක මැද්දෙනෙ.ඉතිං ඒගොල්ලන්ටත් පොලීසි උසාවි වැඩක් නැහැ.

මුස්ලිම් ඇයොනං කමක් නැහැ.එයාල ඉතිං ඇහැට ඇහැක් දතට දතක්නෙ.ඒත් එයාල ගොඩක් වෙලාවට ප්‍රශ්න ගෙදරම විසඳ ගන්නවනෙ.ඉතිං එයාලටත් මේකෙ එච්චර වැදගත්කමක් නෑ.

පවු කළ තැනැත්තාට දෙවියන් වහන්සේ හෝ ඔහුගේම කර්මය හෝ දඬුවම් කරනකං ඉන්නැතුව අපි මේක මැද්දට පනින්නෙ මොන එහෙකට ද?අනික ඔය තියෙන අපායවල්වලිං වැඩක් නැති වෙනවනෙ අපි මෙහෙ දඬුවම් දෙන්න ගත්තොත්.තිරිසං යෝනි ප්‍රේත යෝනි තව කොච්චර එව්වා තියෙනවද පව් කාරයින්ට.මෙහෙ හිර ගෙවල්,එල්ලුං ගස් හද හදා ඉන්නැතුව ඔන්නොහෙ යන විදියකට යන්න දෙන්නනෙ තියෙන්නෙ.




 දැං මට අහන්න තියෙන්නෙ මේක මේ ආගම් වල අවුලක් ද? නැත්තං විශ්වාසයේ අවුලක් ද? එහෙමත් නැත්තං විශ්වාස කරන අයගෙ අවුලක්ද ? කියලා විතරයි ඕං............

3 comments:

  1. තර්කය තව ගොඩනඟන්න ඕනෙ....

    ReplyDelete
  2. there are only choices n effect of choosing choices..In my view there is no moral justice..justice is only made in our head..it's different from person to person...

    btw ubata tharkaya godanaganna thibbe thawa tikak usas thalayaka sita..

    ReplyDelete
  3. කොහෙ හරි අවුලක් තියෙනව කියල තේරුණානං මට ඒ ඇති.ඇත්ත දරුවනේ මට තවම මට හිතෙන දේවල් ඒ ආකාරයෙන්ම වචන වලට හරවන්න අමාරුයි.සම්පූර්ණ තර්කයක් ගොඩනඟන එක ලේසි නැහැ.විශේෂයෙන් අවුරුදු දාස් ගාණක් පැවතිච්ච මතේකට එරෙහිව.ඉස්සරහට බලමුකො....

    ReplyDelete

දාමුද සලිත වෙලා යන්ඩ කොමෙන්ටුවක්...