04 December 2014

වතුර බාල්දිය සහ පරවියා



කාලෙකට පස්සේ බ්ලොග් පෝස්ට් එකක් ලියන්ඩ කියලා හිතලා ඊයේ බාගයක් ලියපු එකක් අද ඉවර කරලා දාන්ඩ හිතුවා.ඒ උනාට සහෝදරවරුනි පට්ට ජෝක් වීඩියෝ එකක් දැකලා ඒ ගැන ලියලා දාන එක වඩා හොඳයි කියලා හිතුනා නෙව.

ඉතිං ඔන්න කතාව කියන්ඩ කළිං පුංචි විස්තර වගයක් තියෙනවා කියන්ඩ.මේ ඇවිල්ලා භෞතික විද්‍යාව සම්බන්ද කරුණු ඩිංගක්.



ඔන්න මිනිහෙක් ළිඳකිං වතුර බාල්දියක් අදිනවා.බාල්දිය කට ගාවටම ආවම ළනුව කඩාගෙන බාල්දිය ළිඳට වැටෙනවා.මොකක්ද හේතුව?

1. ලනුව දිරපු එකක් වීම.
2. බාල්දිය බර වැඩි වීම නිසා ඒ මගින් ලනුව මත ඇති කරන ආතතිය වැඩි වී ලනුව කැඩී යාම. (හිටපු මැතිවරණ කොමසාරිස්තුමා වගේ)

ඉහත සාධක දෙකත් එක්ක ගුරුත්වාකර්ෂණය, බාල්දියේ වතුරත් සමඟ ස්කන්ධය, තන්තුවේ ප්‍රත්‍යස්ථතාව, ලනුව නිශ්පාදිත ද්‍රව්‍යය, ඒ මත ක්ෂුද්‍රජීවී ක්‍රියාකාරීත්වය, සූර්යයාලෝකයේ ඇති UV කිරණ මඟින් ඇතිවන හානිය සහ වතුර අදින පුද්ගලයා ලනුව මත ඇති කරන බලය වගේ දේවල් ද සැළකිල්ලට ගත යුතු වෙනවා.

හැබැයි මේ ළිඳ තියෙන්නේ ක්‍රිෂ්ණමූර්තිතුමාගේ වත්තේ.ගමේ හැම එකාම වතුර ගේන්ඩ එන්නේ මේ ළිඳට.ඔය කතාව කිව්වම අපිට තව එක න්‍යායක් සැළකිල්ලට ගන්ඩ සිද්ද වෙනවා.ඒ කියන්නේ එක එකා හැමදාම ළිඳෙන් වතුර අරං යන එකට මළ පැනලා හිටපු ක්‍රිෂ්ණමූර්ති හොරෙන්ම ලනුව පොඩ්ඩක් කපලා තියලා තිබ්බා වෙන්ඩත් පුළුවං.ඊට පස්සේ වතුර අදිද්දි බාල්දිය ළිඳට වැටුනම ඒක අපලයක් හින්දයි උනේ කියලා වතුර ගන්ඩ එන උංව බය කරලා ගොනාට අන්දවලා උං එක්ක තරහත් නොවී වතුර ගන්න එකත් නවත්තන්ඩ ගහපු ප්ලෑනක් වෙන්ඩත් පුළුවන්.

ඔන්න දෙවෙනි සිදුවීම.



මසි තුමා පරෙයියා විසික්කා කළාම ඌ ආයෙමත් කකුල් දෙක ළඟට වැටුනේ ඇයි?

1. පරෙයියා පොඩි කාලේ ඉඳලම කූඩුවක හිටපු එකෙක් නිසා පියාඹන්ඩ දන්නේ නැති වීම.
2. පොඩි පෙට්ටියක් ඇතුලේ හෙන සෙට් එකක් එක්ක ඉන්ඩ සිදුවීම නිසා එක පැත්තට ඉඳලා තට්ටක් හිරි වැටී තිබීම.
3. සෑහෙන වෙලාවක් තිස්සේ පෙට්ටියක් ඇතුලේ හිර වී සිටීම නිසා අධික රස්නය පිපාසය හෝ කුසගින්න නිසා ක්ලාන්ත ගතියක් දැනීම.
4. ඌ පියාඹන්න අකමැති එකෙක් වීම.

ඔන්න මේ සිද්දි දෙක ගලපලා අධ්‍යාත්මවේදී චන්ද්‍රසිරි බණ්ඩාර ලොක්කා මරු ටෝක් එකක් දෙනවාය.

ලොක්කා කියන විදිහට ක්‍රිෂ්ණමූර්තිතුමා ළිඳට බාල්දිය වැටීම පහදා ඇත්තේ වතුර අයිති ළිඳට නිසා බාල්දිය වතුරත් සමඟ ළිඳට වැටී ඇති බවයි.නමුත් එම තර්කයට අනුව එයිට පෙර බාල්දි ළිඳට නොවැටී කාලාන්තරයක් තිස්සේ වතුර ඇද්ද හැටි පැහැදිලි වන්නේ නැත.සමහර විට ළිඳ ඉවසා ඉවසා බැරිම තැන ළනුව කඩා බාල්දියත් සමඟ වතුර ටික ආපසු ගැනීමට තීරණය කළා විය හැක.නැත්තං නින්දේ සිටි ළිඳ හදිසියේ අවදි වූ විට තමන්ගේ වතුර ගන්නවා දැක මෙසේ ප්‍රතික්‍රියා කළා විය හැක.





කෙසේ හෝ චන්ද්‍රසිරි අංකල් පවසන ආකාරයට මේ සිදුවීම් දෙක අතර සමානකමක් ඇත.ඔහු කියන්නේ පරවියා නැවත පැමිණීමෙන් කියැවෙන්නේ මසී ලොක්කාට සොබාවධර්මයා අනතුරු ඇඟවූ බවය.ඔය ගිනි ගොඩට පනින්න එපා කියූ බවය.මටනම් මේ සිදුවීම් දෙක අතර කිසිම සමානකමක් නැත.බාල්දිය ළිඳට වැටුනේ වතුර අයිති ළිඳට නිසා නම් සරල තර්කයට අනුව පරවියා නැවත ආවේ ඌ සිරිසේන ලොක්කාගේ නිසා විය යුතුය.මෙවන් මැටි තර්ක ඉදිරිපත් කරන උන් අඩුම තරමේ 'සිරස ඩිබේටර්' වත් බලා තර්ක යනු මොනවාදැයි තේරුම් ගත යුතුය.

ඉහත ප්‍රකාශයෙන් ගම්‍යවන තවත් කරුණක් ඇත.චන්ද්‍රසිරි අංකල් කියන්නේ සිරිසේනට මේ ගිනිගොඩට පනින්න එපා කියලාය.මේ අවධානම ගන්න එපා කියලාය.

ඔන්න මම දැන් උදාහරණයක් දෙමි.

මමත් මගේ පන්තියේ මිත්‍රයෙකුත් එකම කෙල්ලට ට්‍රයි කරමු.එවිට කොහොමත් අපි දෙදෙනා අතර තරගයක් ඇති වේ.අපි තරහද වෙමු.නමුත් කවුරුත් මට හෝ ඔහුට ඔය ගිනි ගොඩට පනින්න එපා කියා අවවාද දෙන්නේ නැත.අවධානමක් ගන්න එපා කියන්නේද නැත.නමුත් මම අපේ ගමේ ඉන්න මිනී දෙක තුනක් මැරූ චණ්ඩියෙක් ට්‍රයි කරන කෙල්ලෙක්ට ලයින් එක දාන්ඩ පටං ගත්තොත් නම් දන්න අඳුරන හැම එකාම 'ඇයි බං ඔය ගිනි ගොඩට පනින්නේ?, ඔය අවධානම ගන්ඩ එපා බං' කියා අවවාද කරනවා ෂුවර් ය.

මෙව්වාට කියන්ඩ තියෙන්නේ 'ආච්චිගේ රෙද්ද ' කියා තමයි ය.

ඔන්න මම අදට කියන්ඩ තියෙන ඔක්කොම කිව්වා !!!



13 July 2014

මෙය අපේ ය. අපි මෙය රැක ගමු!!!



මළ පහ කිරීම සඳහා ඇති නිදහස මූලික මිනිස් අයිතිවාසිකමකි.කවුරුන් විසින් හෝ කුමන හෝ පුද්ගලයෙකුගේ එකී අයිතිවාසිකමට එරෙහි වීම ජිනීවාවල විදුලි පුටුවේ ඉන්දවාවත් සාධාරණීකරණය කළ නොහැකි වරදකි.අපේ ආදී මුතුන් මිත්තෝ මෙකී මූලික අවශ්‍යතාව සඳහා වට පිට බලා බැද්දට රිංගූහ.බොහෝ විට මේ සඳහා තෝරා ගත්තේ ස්වභාවික ජල පහසුකම් සහිත එනම් ඇළ පාරක් හෝ දොළ පාරක් ඇති ස්ථානයකි.ඒ මළපහ කිරීමෙන් පසු පස්ස පිසදාගැනීම අපේ සිංහල මෙව්වා එක අනුව ජුගුප්සාජනක නිසාය.අපේ වසර දෙදහස් පන්සීයකට වඩා පැරණි මෙව්වා එක අනුව මළ පහ කළ පසු පස්ස ජලයෙන් සේදිය යුතුය.අනෙක් ගොං පුරුදු අතරේ ඇති මෙවන් හොඳ පුරුදු අගය කළ යුතුය.අපේ සංස්කෘතිය කොච්චර අපි අගේ කළත් ලංකාවේ කොළඹ ඉදිකොට ඇති ලෝක වෙළඳ මධ්‍යස්ථාන ගොඩනැගිල්ලේ වැසිකිළිවල වතුර නැති කතාවක් කොහේදී හෝ අසන්නට ලැබුණි.ඇත්ත නැත්ත හරියටම කියන්නට දන්නේ නැත්තේ එවන් තැනක ඇති වැසිකිළියකටවත් යාමට අවශ්‍යතාවයක් මට ඇති වී නැති නිසාය.

නමුත් ක්‍රමයෙන් වන ගහණය අඩු වන විට සහ ගෙවල් එකින් එක ළං ළංව හැදෙන විට බැද්දට රිංගීමේ පුද්ගලිකත්වයට බාධා ඇතිවන්නට විය.වෙරළබඩ ජනතාව දිනපතා උදෑසන වැල්ලේ සාමූහික මළපහ සැනකෙළි පැවැත්වීමට හුරු වෙද්දී රටතුල ජනතාවට රාජ්‍ය අනුග්‍රහයෙන් වැසිකිළි ලැබෙන්නට පටන් ගත්තේය.මුලින් මුලින් තිබූ වල වැසිකිළි පසුකාලීනව සනීපාරක්ෂාවේ උන්නතිය උදෙසා ජලමුද්‍රිතව නිමවෙන්නට විය.මේවා නිවෙස් අසල ඉඳිකෙරුණු අතර වැසිකිළිය සහ ළිඳ අතර නිශ්චිත පරතරයක් තිබිය යුතු බවට නීති පවා සම්මත වී ඇත.නිවෙසින් බැහැරව තිබූ වැසිකිළි නිවෙස් තුළට පැමිනෙන්නේ සනීපාරක්ෂාව මෙන්ම ජීවිත ආරක්ෂාවද වැදගත් නිසාය.නිවසින් ගව් ගණනක් දුරින් ඇති වැසිකිළියට මහ රෑ ඇතිවන තදබල අවශ්‍යතාව සංසිඳුවා ගැනීමට යන අසරණයින් මගමරුවන්, තිත් පොළඟුන්, දාර පොළඟුන් මෙන්ම කුණ කටුවන් සහ නාගයින්ගේ ප්‍රහාරවලට ලක්වීමේ අවධානමක් තිබිණි.

උක්කුටික වැසිකිළි ආසන වැසිකිළි බවට පරිවර්ථනය වීමේ මිනිස් ඉතිහාසයේ මහා පිම්මක් ලෙස සැළකිය හැක.උක්කුටික වැසිකිළිවලට වඩා ආසන වැසිකිළිවල වැඩි වේලාවක් පහසුවෙන් වාඩි වී සිටිය හැකි බැවින් මහා චින්තකයින් ශ්‍රේෂ්ඨ දාර්ශනිකයින් සිය මහා මතවාද සහ කල්පිත නිර්මාණය කිරීමට වැසිකිළි භාවිතා කළහ.භාශාව නිර්මාණය කිරීමෙන් පසු මිනිසා විසින් නිපදවූ විශිෂ්ඨතම නිර්මාණය ආසන වැසිකිළි ලෙස සැළකිය හැක.



සිය නිවසේ වැසිකිළිය ගෙහිමියාට පන්සලක් පල්ලියක් මෙන් වූවාට ගෙයින් බැහැරකදී ඇතිවන ක්ෂණික අපහසුතා සඳහා ඉන් සැළසෙන සෙතක් නැත.මෙවන් වූ අර්බුධවලින් මානවයා බේරා ගැනීම සඳහා නිර්මාණය කරන ලද ප්‍රථම පොදු වැසිකිළි ගැන අපිට අහන්නට ලැබෙන්නේ අතීත රෝම නගරයේය.එහි තිබූ පොදු ස්නානාගාර අසල මෙකී පොදු වැසිකිළි තනා තිබූ බැව් පැවසේ.මිනිසාගේ ආහාර මාර්ගයේ මහා අන්ත්‍රයේ අග කෙළවර විශාල වී මළද්‍රව්‍ය ගබඩා කරගෙන සිටිය හැකි පරිදි නිර්මාණය වී ඇත.ඒ ආහාර මාර්ගයේ ආහාරවලින් පෝෂ්‍ය පධාර්ථ අවශෝෂණය කරගත් පසු ඉතිරිවන අපද්‍රව්‍ය බැහැර කිරීමට සුදුසු ස්ථානයක් සහ වේලාවක් එනතුරු රඳවාගෙන සිටීමටය.නමුත් මේ කොටසේ ධාරිතාව ගැන කිසිවෙකුට කිසි කලෙක අවබෝධයක් ලබා ගැනීමට බැරිය.එකී ධාරිතාව එකම පුද්ගලයාගේ උවද කලින් කලට වෙනස් වේ.විටෙක දින දෙක තුනක මළ ගබඩා කරගෙන සිටින මෙය විටෙක විනාඩි පහෙන් පහට හිස් කිරීමට සිදුවේ.මිනිස් ජීවිත රසවත් කරන්නේත් ත්‍රාසජනක කරන්නේත් මෙවන් වූ අවිනිශ්චිතතාවයන් වේ.එනිසාම කිසිඳු පුද්ගලයෙකුට සිය ගුදය ගැන පූර්ණ විශ්වාසයකින් යුක්තව නිවෙසින් බැහැර යා නොහැක.ගුදය ඔබේ බිරිඳ වගේ ය.ඔබේ සිරුරට අධිපති ඔබ යැයි ඔබ සිතා සිටියත් ගුදයට අවැසි විට ගුදය ඔබව පාලනය කරන අයුරු නිරීක්ෂණය කිරීම වටී.මේ සියල්ල විස්තර කළේ පොදු වැසිකිළියේ වටිනාකම හොඳින් අවබෝධ කර ගැනීමටය.

ඒ අනුව බලන කල් හි පොදු වැසිකිළි යනු සකල මානව සංහතියේම උන්නතිය උදෙසා කරවා ඇති මහා සද්කාර්යයක් බවය.මෙකී පොදු වැසිකිළි සාමාන්‍යයෙන් බස් නැවතුම්, දුම් රිය ස්ථාන, සති පොලවල්, ආදී මිනිසුන් වැඩියෙන් ගැවසෙන තැන්හි ස්ථාපිත කරනු ලැබේ.ඒවා නඩත්තුව සාමාන්‍යයෙන් කරන්නේ නගර සභාව විසිනි.ඒවා පවිත්‍ර කිරීමේ කටයුතු කරනු ලබන්නේ කොන්ත්‍රාත් ක්‍රමයටය.ඒ නිසා බොහෝ පොදු වැසිකිළිවල සහනය ලබා ගැනීමට සුළු මුදලක් ගෙවිය යුතු වේ.සාමාන්‍ය වෙළඳ ක්‍රමයට පටහැනිව ඔබේ යමක් දී මුදල්ද ගෙවීමට සිදුවන විරල ගනු දෙනුවලින් එකකි මේ.ඒ අනුව බලන විට මෙය 'ගනුදෙනු' නොව 'දෙනුදෙනු' ලෙස සැලකිය හැක.එමෙන්ම ඔබේ යමක් ප්‍රදානය කොට ඔබට සතුටු විය හැකි අවස්ථාවන්ගෙන් එකක්ද වන නිසා බුදු දහමේ එන 'දානය' සහ ඉන් ලැබෙන තෘප්තිය ගැන පුහුදුන් ජනයාට පහදා දීමට ද මේ අවස්ථාවක් කර ගත හැක.



මම ලංකාවෙන් බැහැරව ගොස් නොමැති නිසා ලෝකයේ අනිකුත් රටවල වැසිකිළි ගැන සුළු හෝ අදහසක් නොමැති නිසා ඒවා ගැන අදහස් පල කිරීමෙන් වැළකී සිටිමි.අපේ රටේ පොදු වැසිකිළි සැළකීමේදී සාතිශය බහුතරයක් ඇමෝනියා ගන්ධයෙන් යුක්තය.ඒ ගඳ කොතරම් සැරදැයි කිවහොත් ඔබට දොරෙන් ඇතුලට යෑමට සිදුවන්නේ ගඳ ඈත් මෑත් කොට ගඳ අතරින් රිංගාගෙනය.ගඳ එතරම් ඝණ ය.වැසිකිළිය තුලදී දෑස ඇරියොත් ඇමෝනියා සැරට දෑස දැවෙන්නේය.කඳුළු ගලන්නේය.ඔබ කඳුළු පිසිමින් වැසිකිළියෙන් පිටතට පැමිණෙන විට ඔබ වැසිකිළියේ ඇති මහාර්ඝ ලේඛනයන් හෝ දුක්ඛය රසයෙන් අනූන කවක් කියවා අඬන්නේයැයි අවට සිටින්නෝ සිතති.වැසිකිළි යනු කැටපත් පවුරු වැනිය.යනෙන අය ඔවුන්ගේ සිතැඟි එහි ලියා යති.තව වසර පන්සීයකින් දාහකින් පමණ ලංකාවේ කැණීම් කරන චීන පුරාවිද්‍යාඥයින් මේවා සොයාගෙන සංරක්ෂණය කරනු ඇත.නම් කර අඳිනු ලැබ ඇති ස්ත්‍රී හා පුරුෂ රූප ඩාවින්චිගේ විටෲවියන් මිනිසා මෙන් අගය කෙරෙනු ඇත.මෙ කල මිනිසාගේ ආකල්ප, සිතුම් පැතුම්, ලිංගික ප්‍රවණතා ආදිය ගැන අනාගත මිනිසාට තොරතුරු ලබා දෙන වැදගත් මූලාශ්‍රයක් ලෙස සලකා 'ටොයිලටෝලොජි' නමින් වෙනම විද්‍යාවක් ඇරඹෙනු ඇත.නමුත් දැණ් දැන් වැසිකිළි ලේඛණ කලාව ද ක්‍රමයෙන් අභාවයට යමින් පවතින්නේ ය.එ කල වැසිකිළිවල තිබූ විශිෂ්ඨ රසාලිප්ත කාව්‍ය රචනා වෙනුවට දැන් ඇත්තේ කෙටියෙන් අවශ්‍යතාව හෝ සේවාව සඳහන් කොට ලියූ දුරකථන අංක පමණි.මේ තත්ත්වය වෙනස් කිරීමට රාජ්‍ය මැදිහත් වීමක් අවශ්‍ය යැයි සිතේ.එක්සත් වැසිකිළි කලාකරුවන්ගේ සංගමයක් පිහිටුවා රජයට බලපෑම් කළ යුතුය.

පුරුෂ වැසිකිළිවල මුත්‍රා කිරීමට ඇති බිත්තියේ සවි කළ පෝච්චි ඇත්තේ සාමාන්‍යයෙන් ඉහල සමාජ පරිසරවල ය.දුම් රිය ස්ථානයේ බස් නැවතුමේ ඇති පොදු වැසිකිළිවල ඇත්තේ බිම කාණුවත් එයට එදිරිව ඇති පිඟන් ගඩොල් ඇල්ලූ බිත්තියත් ය.මුත්‍රා කරන්නාට ඇත්තේ ඉදිරියේ ඇති බිත්තියට තරමක් ආනතව මුත්‍ර ධාරාව එල්ල කිරීම පමණි.මුත්‍ර ධාරාව බිත්තියට ලම්බකව එල්ල කළ හොත් බිත්තියේ වැදී පොලා පනින මුත්‍ර කලිසමට අතට හෝ පා වහන් මතට වැටීමේ අවධානමක් ඇත.ආනතව එල්ල කරන ධාරාවේ ඇති අංශු සහ පිඟන් ගඩොල අතර ඇතිවන 'ආසක්තික' බල නිසා මුත්‍ර නැවත පොලා පැනීමකින් තොරව බිත්තිය දිගේ ගලා ගොස් කාණුවට එක් වේ.මුත්‍ර කිරීමට ඇති වපසරිය සැළකිය යුතු තරම් විශාල උවද නිවැරදි ඉලක්කයට මුත්‍ර කිරීමට බොහෝ දෙනෙක් අසමත් වන බව පෙනේ.වැසිකිළියේ දොරෙන් ඇතුළු වූ තැන සිට ම ඇත්තේ මුත්‍ර ය.සමහර විට පුරුෂ ලිංගයන් ඇද වීම නිසා ඔවුන් මෙකී අර්බුධයට මුහුණ පානවා විය හැක.සුද්දන් අපට හඳුන්වා දුන් යට ඇඳුම් අපේ 'අමුඩය' මෙන් අවැසි විට අවැසි පමණට සීරු මාරු කළ නොහැකි නිසා අපේ හෙළයන්ගේ ලිංගයන් ඇද කිරීමට හේතු වී ඇතුවා විය හැක.එහෙයින් නිවැරදි එල්ලයට මුත්‍ර කිරීමට නොහැකිව පොදු වැසිකිළි පුරාම මුත්‍ර හලනවා විය හැක.නො එසේ නම් මුත්‍ර මාර්ගය අවහිර වන සේ පුරස්ථි ග්‍රන්ථිය විශාල වීමෙන් මුත්‍ර ධාරාව දුරට නොගොස් දෙපා අසලම වැටෙනවා විය හැක.එමෙන්ම එකී තත්ත්වය සමඟ ඇතිවන මූත පිට කිරීමෙන් පසුවත් බින්දු වශයෙන් මුත්‍ර පහ වීම නිසාත් වැසිකිළිය පුරා මුත්‍ර හැලෙනවා විය හැක.

මළ පහ කිරීමේදී නම් වැඩි දෙනෙක් වටේ හලන්නේ නැත.ගැටළුව නම් ඔවුන්ට අවසානයේ වතුර ගසා යාමට අමතක වීම ය.මොළයේ සෛල ක්‍රමයෙන් අකර්මන්‍ය වීමෙත් ඇතිවන ඩිමෙන්ෂියා නම් තත්ත්වය නිසා මෙලෙස කෙටි කාලීන අමතක වීම් ඇතිවිය හැක.එනිසා මෙවන් පුද්ගලයින් වෛද්‍ය උපදෙස් ලබා ගැනීමට යොමු කළ යුතුය.එය විශාල සමාජ මෙහෙවරකි.වැසිකිළියට වතුර යොදන උපකරණය කැඩී තිබීම, වැසිකිළිය තුල ඇති ජල නලය ක්‍රියා නොකිරීම ආදිය ද පුද්ගලයන් තුල ඩිමෙන්ෂියා රෝග ලක්ෂණ මතු කිරීමට දායක වන බැවින් ඒවා නිවැරදි කිරීම සමාජ වගකීමක් වේ.

මළ පහ කිරීම පුද්ගලික කටයුත්තකි.එහි නියම රසය විඳිය හැක්කේ තනිව එය කරන විට ය.නමුත් එය අන්‍යයන්ගෙන් සතුට සඟවා ගැනීමේ ඊනියා ධනවාදී ආකල්පයක් යැයි සිතමින් මුග්ධ සමාජවාදීන් මළපහ කිරීමේ කර්තව්‍ය ද ජනසතු කිරීමේ අරමුණින් වැසිකිළිවල ඇති අගුළු ගලවා ගෙන යති.නැතහොත් කඩා බිඳ දමති.

හෙට දවසේ අතරමග දී අසරණ වන්නේ ඔබ විය හැක.පොදු වැසිකිළි ඔබේ දෑස මෙන් රැක ගන්න.



++++++++++++++++++++++++++++++++++++++++++++++++++++++++++++++

උඩ ලිපිය ලියන්ඩ පෙළඹුනේ මට මුහුණ දෙන්ඩ සිද්ද වෙච්ච කෲර අත්දැකීමක් නිසා.ඒ වගේ දෙයක් නාමල් අයියට වත් සිද්ද වෙන්ඩ එපා කියලා තමයි මම නං ප්‍රාර්ථනා කරන්නේ.ඉතිං සහෝදරවරුනි මම එක දවසක් ගෙදර ඉඳං කෝච්චියේ අපේ ෆැකල්ටි එකට එන්ඩ එනවා.මගේ ඇඳුං ටික දා ගත්තු පැත්තෙං එල්ලන බෑග් එකයි ලැප් එක දාපු පිටේ එල්ල ගත්තු බෑග් එකයි අරං ෆැකල්ටි යන්ඩ ලෑස්ති වෙලා සපත්තු එහෙම දාල ෂර්ට් එක අයන් කරලා යට කරලා ඇඳලා මම එනකොට දෙමටගොඩ හරියෙදි ආවනේ තද බරක්.නළලට දාඩිය දාලා, කන් දෙක රත් වෙලා මම හැකි වීරිය දාලා අල්ලං ඉන්නවා ඔන්න මරදානට එනකං.මම එච්චර මහත දෙහත ඩයල් එකක් නෙමෙයි නෙව.ඉතිං මගේ කපාටවල තියෙන පේෂිවලට එච්චර පීඩනයක් වැඩි වෙලාවක් දරා ගන්ඩ බැරි විත්තිය මම දැනං උන්නේ.මම හිතිං කෝච්චි ඩ්‍රයිවර්ටයි, දුම් රිය දෙපාර්තමේන්තුවටයි, නයනා කුමාරිටයි බැණ බැණ ඉන්න කොට ඕං කොහොම හරි මරදානට කෝච්චිය ආවා කියමුකෝ.මගේ කපාට පේෂිවලට හිතිං වැඳලා එහෙම මම ගණං හදලා බැලුවා පොලීසිය ඉස්සරහින් බස් එකට නැග්ගත් උං අද්දන්නේ උංට ඕනෙ වෙලාවට.ඒ ඇද්දුවත් පුංචි බොරැල්ලට් එනඩ ඕනේ.එතනින් හොස්ටල් එකට වඩා ෆැකල්ටියට තමයි ළඟ.ඒකටත් සෑහෙන දුරක් පයින් යන්ඩ තියෙනවා.ඒක අසාර්ථක ප්ලෑන් එකක්.

මම ගත්තා දැඩි තීරණයක්.මම යනවා ස්ටේෂන් එකේ මහතුංගේ වැසිකිළියට.මහතුංගේ අම්ම කොළඹ ආව වෙලාවේ සෑහෙන්ඩ සන්තෝස උනාලුනේ තමුංගේ පුතාට වෙනම වැසිකිළියක් තියෙනවා දැකලා.මමත් ඉතිං මහතුංට පිං දීලා ගියා වැසිකිළියට.

'මෙම දුම් රිය ස්ථානය තුල සොරු සහ ගැට කපන්නන් ගැවසෙන බැවින් මගීන් තම තමුන්ගේ ගැටය පරිස්සම් කර ගන්න'

එහෙම අනතුරු ඇඟවීමක් දුන්නම කොහොමද නොසලකා හරින්නෙ.බෑග් දෙක දීලා යන්ඩ කෙනෙක් නෑ.තියලා යන්ඩ තැනක් නෑ.තව වැඩි වෙලාවක් නෑ.හිරෝෂිමා නාගසාකිවල සිද්ද උනාට වඩා ලොකු විනාසයක් වෙනවා දැම්මම මේක නිසි තැනකට ගිහිල්ලා නිශ්ක්‍රීය කළේ නැත්තං.මොනවා කරන්ඩ ද සහෝදරවරුනි බෑග් දෙකත් කරේ එල්ලං දිව්වා වැසිකිළියට.ඇතුලේ තියෙනවා වැසිකිළි තුනක්.දෙකක් දැනටමත් මං වගේ අසරණයින් දෙන්නෙකුට සර්ණ වෙනවා.එකක් විතරක් මං වෙනුවෙන් තියෙනවා.ස්වර්ගයට තියෙන දොර දිහාවට දුවනවා වගේ මම දිව්වා ඇතුලට.මේ අවසාන තප්පර කීපයයි ගෙවෙන්නේ.මරාගෙන මැරෙන බෝම්බ කාරයෙක්ගේ සිතුවිලි මට අවබෝධ වෙනවා දැං.ගිය ගමං බැලුවේ ටැප් එක ඇරලා වතුර තියෙනවද කියලා.හිතුවා වගේම වතුර නෑ.ඒකේ තිබ්බ බාල්දිය අරං දිව්වා එලියේ තියෙන ටංකියට වතුර එකක් පුරවගෙන හුසේන් බෝල්ට් වගේ දිව්වා ආපහු.ඇතුලට ගිහිල්ලා දොර වහද්දි තමයි දැක්කේ ඒකෙ අගුල නෑ කියලා සහෝදරවරුනි.කවුරුහරි මගේ නිරුවත දකියි කියලා ආත්මගරුත්වය ගැන ප්‍රශ්නයක් ආවත් ඒ වෙලාවේ තිබ්බ ජීවිතයත් මරණයත් අතර ගැටළුව එක්ක සළකලා ඒක මම අමතක කරලා ඉඳ ගත්තා.බඩේ තිබ්බ බර ටික ටික අඩුවෙලා ඒ අමා මහ නිවනට ඔන්න මෙන්න තියෙද්දි තමයි මම දැක්කේ බාල්දියේ පතුලේ තිබ්බ හිලකිං වතුර ලීක් වෙනවා.

ලොකු බෑග් දෙකක් කරේ එල්ලගෙන' අගුලු දාන්ඩ බැරි වැසිකිළියක, කොමොඩ් එකට හුරු වෙලා නිසා මේකේ අසමතුලිතව ඉඳගෙන එක අතකිං වතුර බාල්දිය උස්සගෙන අනිත් අතේ ඇඟිල්ලකිං බාල්දියේ පතුලේ ලීක් එක වහං ඉන්න තරුණයෙක් මවා ගන්ඩ සහෝදරවරුනි.කොහොමද නිකං කලා වැවේ බැම්මේ ලීක් එකක් වහගෙන හිටපු කාල කුමාරයා මතක් වෙනවා නේද?පස්සේ හොස්ටල් එකට ඇවිල්ලා දෙපාරක් නාලා ක්ලිනිකල්ස් නොගිහිං නිදා ගැනීමෙන් මේ ශෝකාලාපය අවසාන වෙනවා.

මේ දේ හෙට සිද්ද වෙන්නේ ඔබට වෙන්ඩ පුළුවං.ඒ නිසා පොදු වැසිකිළි රැක ගන්න පෙරට එන්න!!!




18 June 2014

මදි මදි හොඳටෝම මදි...



සෑහෙන දවසක් බ්ලොග පැත්ත පලාතේ එන්නැතුව හිටියා.කගෙවත් බ්ලොග් එකක් බලන්ඩවත් අඩුම තරමේ කකාගේ බ්ලොගේ ඇනෝ කොමෙන්ට් බලන්ඩවත් එන්ඩ හිත දුන්නෑ.විභාගේ ආයෙත් පාරක් කරලා (මේ පාරනං පාඩම් කරලා තමයි විභාගෙ කළේ ) ඊට පස්සේ අර දැවැන්ත විභාගෙකට පස්සේ දැනෙන ශුන්‍යතාවය ඇතුලේ ඔහේ එහෙට මෙහෙට වෙවී ඉඳලා ජීවිතේ හෙන තනුකයි කියලා හිතෙන කොටම පටං ගත්තනේ ආතල් එක.ඔන්න ඉතිං මගේ ඇඟේ දැං ගොජ ගොජ් ගාලා ලේ ධාවනය වෙනවා ආයෙමත්.ජීවිතේ ආයෙමත් තෘප්තිමත්.



හැබැයි මම කියන්නේ මේ ආරම්භක පියවර විදිහට තුන් දෙනෙක් විතරක් මරපු එක මදි.ඔයිට වඩා හොඳ "කික්" එකක් එන්ඩ අඩුම තරමේ දෙතුන් සීයක්වත් මරන්ඩ තිබ්බේ.අනිත් එක නිකම්ම වෙඩි තියලා මරන එකෙත් කිසි ගතියක් නෑ. "ඩෝං" ගාලා සද්දෙ ආවම එකෙක් මැරිලා වැටෙනවා.වෙඩිල්ල තිබ්බ එකාටයි වෙඩිල්ල වැදිච්ච එකාටයි ඇරුණම බලං ඉන්න උන්ට කිසි ආතල් එකක් නෑ.ත්‍රාසය භීතිය කුතුහලය මොකුත්ම නෑ.හරියට සුජීව ප්‍රසන්න ආරච්චිගේ පොතක් වගේ.පොත අතට ගන්න කොට අපි දන්නවා අන්තිමට කොල්ලයි කෙල්ලයි සෙට් වෙනවා කියලා.ඒ වගේම එකෙක් තුවක්කුව අතට ගන්න කොට අපි දන්නවා අනිත් එකා ටක්කෙටම මැරිලා වැටෙනවා කියලා.

තුවක්කුවෙන් මරද්දි උනත් ඕනෙම නං ප්‍රේක්ෂක ජනතාවගේ මනදොල සපුරන විදිහට ටිකක් කලාත්මක විදිහට වැඩේ කරන්ඩ පුළුවං.ඒකට ඉතිං හොඳ "ෂොට් ගන්" එකක් අරං හරියටම මූණ මැද්දට වෙඩි තිබ්බනං බලං ඉන්න උද්යෝගිමත් ප්‍රේක්ෂක ජනතාවට මැරිච්ච එකාගේ මොළ කෑල්ලක්, දතක් වගේ එකක් සමරුවක් විදිහට ගෙදර අරං යන්ඩ පුළුවං.අනික බලං ඉන්න ජනතාවටත්  ඇඳුමට ලේ විසි වීමේ පොඩි අවධානමක් තියෙනවනේ.ඒ අවධානමත් එක්ක තමයි උපරිම සන්ත්‍රාසය ප්‍රේක්ෂකයාට ලැබෙන්නේ.

මුස්ලිම් උං කියන්නේ ඇත්තටම වෙනින් කිසිම ජාතියකින් ඇළුම් කරනු නොලබන ජාතියක්.ඒ වගේම මුස්ලිම් උනුත් අනිත් කිසිම ජාතියක් සත පහකට ගණන් ගන්නේ නෑ.උං ඉන්න කිසිම තැනක සාමයක් නං නෑ.අල් කයිඩාලා, ජිහාඩ්ලා, බොකෝ හරාම්ලා කියන්නේ කාටවත් ආදරේ කරන සංවිධාන නෙමෙයි නේ.අනික උං හෝ ගාලා ළමයි හදන හින්දා අනිත් උංගේ තෘප්තිය වෙනුවෙන් දවසකට මුස්ලිම් උන් සීයක් දෙසීයක් මැරුවට කිසි අවුලක් වෙන්නේ නෑ.උනුත් කොහොමත් එකා එකා මරාගන්න එකේ උංගෙනුත් එච්චර අවුලකෙන එකක් නෑ.ඕනෙමනං හකීම් පොඩ්ඩක් අඬලා ආණ්ඩුවෙන් අයින් වෙන්ඩ දැඩිව හිතලා බලනවා කියයි.එච්චරයි.

හකීම්ගේ කිඹුල් කඳුළු වගේද මෙයාලා රටට ලෝකෙට තියෙන ආතල් එක.හැබැයි මම කියන්නේ කරන එක හරියට කරන්ඩ ඕනේ.ආයේ මිනිස්සුන්ට උපරිම ආතල් එක දෙන විදිහට.සිරස තමයි මේකට හරියන එකම චැනල් එක.උං වැඩක් කළොත් ආයේ ඉතිං මොනවද මිනිස්සු කට ඇරං නේ බලං ඉන්නේ.කටට දා ගත්තු බත් ටිකත් ආපහු පිඟානට වැටෙනවා.මහින්දවැව සූරියපක්ෂ පිට්ටනිය ක්‍රිකට් ගහන්ඩ ලොකු වැඩියි කියන එකේ, වෙන දේකට පාවිච්චි කරන්ඩත් බැරි හින්දා මම බොහොම කැමැත්තෙන් ඉන්න 'ඇරීනා' එකක් විදිහට සංවර්ධනය කරලා අරගත්තම කොහොමද වැඩේ.ජනතාවත් තෘප්තිමත්.ආදායමකුත් එනවා.හොඳට මාර්කටිං පාරක් දාලා නිවේදන කටයුත්තට "ගලගොඩ අත්තේ" ලොක්කව අරගෙන ෂඃ බලන්ඩ පිංවතුනි මැවිලා පේනවා නේද වැඩේ යන හැටි.තුවක්කුවට වඩා කඩුව තමයි හොඳ.එක පාරකට බෞද්ධ එකයි මුස්ලිම් එකයි දානවා ග්‍රවුන්ඩ් එකට.බෞද්ධ එකාට දෙනවා කඩුව.මුස්ලිම් එකාට දෙන්නෑ මොකුත්.අන්න බලන්ඩ කොහොමද වැඩේ යන හැටි.මුස්ලිම් එකා කකුල් දෙකට වැඳ වැඳ දුවනවා.





'රිසානා ව මතක් කරගනින් ගෙරි මස් කන හම්බයා' කිය කිය සැදැහැවත් බොදුනුවා කඩුව අමෝරාගෙන පස්සෙන් එනවා.ප්‍රේක්ෂක ජනතාව ගලබොඩයා එක්ක අංගුලිමාල පිරිත කියනවා.බෞද්ධ කට්ටිය හලාල් ක්‍රමයට කැමති නැති හින්දා සාම්ප්‍රදායික විදිහට මුස්ලිම් එකාව මරනවා.ඒ කියන්නේ අතක් කපලා ප්‍රේක්ෂකාගාරයට වීසි කරනවා.කකුලක් කපලා ප්‍රේක්ෂකාගාරයට විසි කරනවා.සීන් එක හරියට පේන්නැති හින්දා තාත්තලාගේ කරේ නැගලා 'ෂෝ' එක බලන පොඩි උං මේ වීසි කරන ඒවා අල්ල ගන්නවා.පොඩි කාලේ පොඩ්ඩක් විතරක් කපලා තියෙන පුරුෂ ලිංගේ කර මුලින්ම කපලා ඉහලට උස්සලා පෙන්නන කොට ප්‍රේක්ෂකාගාරේ දෙදරන්ඩ ප්‍රීතිඝොෂාව එනවා.ඊට පස්සේ මුස්ලිම් එකාගේ රැවුලෙන් අල්ලගෙන කඩුව අනිත් අතිං ඉහලට උස්සගෙන බෞද්ධයා මූලාසනේ පැත්ත බලනවා.එතකොට රජතුමා හරි, එතුමගේ සහෝදරයෙක් හරි, බිරිඳ හෝ පුතෙක් මූලාසනේ ඉඳගෙන අත ඉස්සරහට දික්කරලා මහපට ඇඟිල්ල පහතට හරවනවා.එතකොටම පාත් වෙන කඩුවෙන් 'තම්බියාගේ' බෙල්ල කඳෙන් වෙන් වෙනවා.ශීර්ෂපෝෂී ධමනිවලින් උල්පත්වලින් වගේ ලේ අහසට විදිනවා.ප්‍රේක්ෂකාගාරෙන් කන් බීරී කරවන තරමේ ප්‍රීති ඝෝෂාවක් එනවා.බෞද්ධයා තම්බියාගේ ඔළුව උඩ දාලා ෆුට්බෝලෙකට ගහනවා වගේ පයින් ගහනවා ක්‍රීඩාංගනේ කොණකට වීසී වෙන්ඩ.එතකොට ඒ අයිනට වෙලා කෙළ හල හල උන්නු පර බල්ලෝ ඔළු ගෙඩියේ කන් කෙටිවලින් නහයෙන් ඇද ඇද කෑලි කඩා ගන්නවා.උන් උන් කා කගන්නවා.බලන්ඩ සහෝදරවරුනි කොච්චර මනස්කාන්තද වැඩේ.


වැඩේ තවත් රසවත් සහ කුතුහලයෙන් අනූන කරවන්ඩ පුළුවං තම්බියාටත් කඩුවක් දුන්න නං.අන්න එතකොට තමා ප්‍රේක්ෂකාගාරෙත් දෙකට බෙදිලා ගහ මරා ගන්නේ.බලන්ඩ කොච්චර ලස්සනට වැඩේ නැගලා යනවද කියලා.ඕනේමනං ප්‍රේක්ෂකයින්වත් මේකට දායක කර ගන්ඩ පුළුවං.ප්‍රේක්ෂකයින්ට ගල් ටිකක් දුන්න නං ඒ අයට පුළුවං තමුන්ට විරුද්ධ ජාතියේ ක්‍රීඩකයාට ප්‍රේක්ෂකාගාරේ ඉඳං ගල් ගහන්ඩ.හැබැයි මුස්ලිම් උං ගල් ගහන්ඩ දක්ෂ නිසා බෞද්ධයින්ට පොඩ්ඩක් මේක අවාසි දායක වෙන්ඩ පුළුවං.ඒත් එහෙම පොඩි අවාසි දායක තත්ත්වයක් තියෙන කොට මේකට විරුද්ධ වෙන මුස්ලිම් රටවලට ඒක පෙන්නලා දීලා ඒ අයගේ විරෝධය තුනී කරගන්ඩ පුළුවං වෙනවනේ.

මේක සති අන්තේ ටීවී එකේ පෙන්නන්ඩත් ඕනේ.එතකොට මේක ග්‍රවුන්ඩ් එකට් ඇවිත් බලන්ඩ බැරි වෙච්ච අයටත් පොඩියට හරි තෘප්තියක් ලබා ගන්ඩ පුළුවං.

මේ විදිහට දෙන්නෙක්ට ගහ ගන්ඩ දීලා බලං ඉන්න එක වගේම ඉස්සර විදිහට කණුවක එකෙක්ව බැඳලා හෙල්ලෙන් ඇණලා මරන එක, කණුවේ බැඳලා ගින්දර දාන එක, කට්ටියව ග්‍රවුන්ඩ් එකට දාලා සිංහයෝ කොටි වලස්සු වගේ සත්තු එවන එකත් හොඳ තෘප්තියක් සපයාවි කියලා හිතෙනවා.මැරෙන එකා මැරෙන්ඩ වැඩිම වෙලාවක් ගන්න ක්‍රමේ තමයි ප්‍රේක්ෂකයට උපරිම වින්දනයක් ලබා දෙන්නේ.ඒ හින්දා වැඩේ මේ විදිහට පටං අරගෙන පස්සේ මහජනතාවගේ යෝජනා චෝදනා අනුව වැඩේ මොඩිෆයි කරගන්ඩ පුළුවන්නේ.මම දන්නවා මොනවා කිව්වත් කට්ටිය මෙහෙම එකක් තියෙනවා නං කැමතියි.කවුරුත් ඒක කෙළිං කියන්නැත්තේ අනිත් මිනිස්සු වැරදි විදිහට බලයි කියලා.මම නං අනිත් මිනිස්සු හිතන ඒවා ගැන හිතන්නෙ නෑ.මුළු මිනිස් ඉතිහාසය පුරාම බැලුවොත් මිනිස්සු වැඩිම තෘප්තියක් ලබලා තියෙන්නේ තව මිනිහෙක්ව වධදීලා මරන එකෙං තමයි.


ඒ හින්දා මම කියන්නේ මේක මේ දැං කරං යන විදිහට කරලා කාටවත් පලක් නෑ.හැමෝටම විඳින්ඩ පුළුවං විදිහට මේක සංවිධානාත්මකව කරන එක තමයි හොඳ.නිකං බොරුවට කඩ කුඩු කරන්ඩයි ගෙවල්වලට ගල් ගහන්ඩයි ඕනේ නෑනේ.ජනතාවත් තෘප්තිමත්.මුස්ලිම් ප්‍රශ්නෙත් ඉවරයි.බලන්ඩ සහෝදරවරුනි කොච්චර හොඳ යෝජනාවක්ද කියලා.

25 May 2014

සම-සෞඛ්‍ය ගැටළුව




සම-සෞඛ්‍ය කට්ටියගේ ගැටළුව ගැන කකා ලියලා තිබ්බනේ පොඩි විස්තරයක්.ඒකේ කොමෙන්ට්වල නං දිග සංවාද ගිහිං තිබ්බා.මේ සම-සෞඛ්‍ය ගැටළුව ගැන ලියන්ඩ හිතාන හිටියට විභාගේ වැඩයි කම්මැලි කමයි හින්දා පස්ස ගගහා හිටියත් කකාගේ ලිපිය කියවලා මේක ගැන ලියන්ඩම හිතුනා.කකාගේ ලිපිය විතරක් නෙමෙයි ගිය සතියේ තිබ්බ දෙරණ වාද පිටිය වැඩසටහනත් කට්ටිය බලන්ඩ ඇතිනේ.බැලුවේ නැත්තං ගිහිල්ලා බැලුවත් කමක් නෑ ඕං.මොකද ඔය රටේ වෙනත් ප්‍රශ්නවලදි ඇස් කන් පියාන ඉන්ඩ පුළුවං උනාට මේකෙදි කාටවත් එහෙම මග ඇරලා ඉන්ඩ අමාරුයි.රතුපස්වල ප්‍රශ්නෙදි අවුලක් නෑ රතුපස්වල උන්ටනේ වතුර නැත්තේ කියලා ගණන් නොගෙන හිටියට, ධීවරයින්ට ඉන්ධන සහනාධාරේ නොදී ධීවරයෙක්ට වෙඩෛ තියලා මැරුවම කමක් නෑ ධීවරයින්ටනේ අවුල තියෙන්නේ කියලා අමතක කරලා දැම්මට ඉස්පිරිතාලවල ගැටළුවක් කියන්නේ රටේ හැමෝටම සමස්ථයක් විදිහට බලපාන ප්‍රශ්නයක්.

මුලින්ම බලමු මොකක්ද මේ සම-සෞඛ්‍ය පීඨය කියලා.

  • B.Sc. in Nursing Degree Programme
  • B.Sc. in Medical Laboratory Science Degree Programme
  • B.Sc. in Physiotherapy Degree Programme
  • B.Sc. in Radiography Degree Programme
  • B.Sc. in Radiotherapy Degree Programme
  • Bachelor of Pharmacy ( B.Pharm) Degree Programme

කියන පාඨමාලා මේ සම-සෞඛ්‍ය කියන කොටසට අයත් වෙනවා.මේ අය හැමෝම රෝහල්වල කටයුතු කරගෙන යාම සඳහා අත්‍යාවශ්‍ය අය.අතීතයේ හිපොක්‍රටීස්ලගේ කාලේ ඉඳලා නයිටිංගේල්ගේ කාලේ වෙනකල්ම ලෙඩා සම්බන්ද හැමදේම කළේ දොස්තරම තමයි.ඒත් පස්සේ පස්සේ වෛද්‍ය විද්‍යාව පිළිබඳ දැනුම සහ කටයුතු සංකීර්ණ වෙද්දි මේ හැම එකම තනියම වෛද්‍යවරයට කරගෙන යන්ඩ බැරි වෙනවා.අන්න එතකොට තමයි මේ කියන හෙදියන් ප්‍රමුඛ අනෙකුත් සම-සෞඛ්‍ය සේවාවන් බිහි වෙන්නේ.මේ කියන ඒ ඒ ක්ෂේත්‍රවලට විශේෂ වූ සේවාවන් බිහිවීමේ අරමුණ රෝගීන්ට උපරිම සේවාවක් ලබා දීමයි.

මේ සම-සෞඛ්‍ය උපාධිය දැනට අවුරුදු 10කට විතර කලිං පටං ගන්නේ අවුරුදු හතරක උපාධියක් විදිහටයි.වාදපිටියෙදි නජිත් කියනවා වගේ උපාධි පාඨමාලාවක් පටං ගන්නේ නිකං තේ කඩයක් දානවා වගේ 'හරි එහෙනං හෙට පටං ගම්මු' කියලා නෙමෙයි.මේ උපාධි පාඨමාලා පටං ගන්ඩ කලිං සෑහෙන මුදලක් වියදම් කරලා දෙස් විදෙස් ප්‍රවීණයන් කැඳවලා සාකච්ඡා කරලා තමයි මේ උපාධි සඳහා අවුරුදු හතරක් ඕනෑ කියලා තීරණය කරන්නේ.එහෙම විද්වත් සාකච්ඡාවල ප්‍රථිපලයක් විදිහට ඇති කරපු සිව් අවුරුදු පාඨමාලාව දැං හදිස්සියේ තුනක් කරපු එකට තමයි මේ ළමයි විරුද්ධ වෙන්නේ.මම දකින විදිහට ඒ විරුද්ධ වීම සාධාරණයි.

සිවු අවුරුදු උපාධි පාඨමාලාවේ කට්ටිය සායනික පුහුණු සඳහා රෝහල්වලට යනකොට වෛද්‍යවරු මුලින්ම ලෙඩේ අදින්ඩ පටං ගත්තේ වාට්ටුවල ඉඩ පහසුකම් නෑ කියලා.ලංකාවේ ශික්ෂණ රෝහල් තියෙන්නේ කීපයක් උනාට මහ රෝහල් ගොඩක් තියෙනවා.සෞඛ්‍ය අමාත්‍යංශයටයි උසස් අධ්‍යාපන අමාත්‍යංශයටයි ඉක්මනට විසඳන්ඩ තිබිච්ච ප්‍රශ්නයක් සෑහෙන කාලයක් ඇදිලා ගියා.ඒක අන්තිමේ විසඳුනා.ඊට පස්සේ මේ අය උපාධි අරං ආවම තමුන්ට වඩා ඉහලට එයි කියලා මේ අයගෙම ක්ෂේත්‍රවලට අයත් ඩිප්ලෝමාධාරීන් බය වෙලා ඒ අය ලෙඩේ අදින්ඩ පටං ගත්තා.උපාධිය පටං ගන්ඩ කළිං මේ ක්ෂේත්‍රවල හිටියේ ඩිප්ලෝමාධාරීන්.තවමත් ඉස්පිරිතාලවල වැඩ කරන්නේ මේ ඩිප්ලෝමා අය තමයි.අර ළමයි සායනික පුහුණුවට ගියාම ඔවුන්ට ඒ පුහුණුව දෙන්ඩ සිද්ධ වෙලා තිබුණේ ඒ වෙනකොට රෝහල්වල වැඩ කරපු ඩිප්ලෝමාධාරීන්ට.නමුත් ඔවුන් මේ ළමයින්ට පුහුණුව දෙන එක ප්‍රතික්ෂේප කළා.ඒ වෘත්තීය කුහක කම හින්දා.පස්සේ මේ ඩිප්ලෝමාධාරීන් ඔවුන්ටත් කෙටි අධ්‍යාපනයකින් පස්සේ උපාධිය ලබා දෙන්ඩ කියලා ඉල්ලීමක් කළා.නමුත් උපාධිය එහෙම පොඩි කාලෙකින් දෙන්ඩ බැරි නිසා විශ්ව විද්‍යාල මේ අයගේ ඉල්ලීම බැහැර කළා.ඒ ප්‍රශ්නෙත් සෑහෙන කාලයක් ඇදි ඇදි ගියා.

දැං අළුත්ම කේස් එක මේ 3+1 කිරීම.ඒ කියන්නේ අවුරුදු හතරේ උපාධිය අවුරුදු 3ට අඩු කරලා අවුරුදු 3ට පස්සේ වැඩි ලකුණු ගන්න ළමයින්ට තව අමතර අවුරුද්දක් ලබා දෙන ක්‍රමයක් එක පාරට ඇති කළා.මේක ඇති කිරීමට මූලික උනේ රජයේ වෛද්‍ය නිළධාරීන්ගේ සංගමය හෙවත් GMOA එක කියලා එස් බී මහත්තයා කියනවා.GMOA  එකත් ඒක ප්‍රතික්ෂේප කළේ නෑ.GMOA  එක මේකට විරුද්ධ ඇයි කියලා ඇහුවම ඒ අය එක එක හේතු කියනවා.ඒ අය කියනවා මේ ළමයින්ට උපාධිය දුන්නට රැකියා අවස්ථා නෑ ඒ හින්දා බොරුවට අවුරුදු හතරක් මේක අදින එකේ තේරුමක් නෑ කියලා.ගැටළුව තියෙන්නේ එතන.GMOA  එක කියන්නේ වෘත්තීය සමිතියක්.මේ අයට රස්සා දෙනවද නැද්ද කියන එක හෝ පාඨමාලා කාලය ගැන හෝ මේ වෘත්තීය සමිතියකට තියෙන කැක්කුම මොකක්ද? මේ අය අනිත් විශ්වවිද්‍යාල පාඨමාලා ගැනත් කතා කරනවද? කලා උපාධිය මාස හයකට අඩු කරන්ඩ වගේ ඉල්ලිම් කරනවද? 

මෙතන ගැටළුව තියෙන්නේ අවුරුදු හතරක උපාධිය තියෙන අයට පුළුවන් පරිපාලන සේවයට එන්ඩ.මේ සම-සෞඛ්‍ය නිළධාරීන් පරිපාලනයට ඇවිදින් වෛද්‍යවරුන්ට ලෙඩේ අදීවී කියන බය තමයි වෛද්‍යවරුන් තුල තියෙන්නේ.ඒ නිසා ඔවුන් බලපෑම් කරනවා මේ සිවු අවුරුදු පාඨමාලාව කප්පාදු කරන ලෙස.විශේෂයෙන් හෙද නිලධාරීන් සිව් අවුරුදු පාඨමාලාවෙන් පස්සේ සය මාසික ශල්‍යාගාර පුහුණුවකුත් තවත් සය මාසික මොනවා හරි පුහුණුවකුත් දා ගත්තම ඔවුන් වෛද්‍යවරුන් තරමටම ජ්‍යේෂ්ඨ වේවි යැයි බයක් තියෙනවා.මම පත්තරේ  ගිය සම-සෞඛ්‍ය සිසුන්ට පොලීසිය ගහපු නිවුස් එක බල බල ඉන්න කොට මගේ මිත්‍රයෙක් එතනට ආවා.

"හොඳ වැඩේ ඕකුන්ට.ඔහොම නෙමෙයි ගහන්ඩ තිබ්බේ අතපය කැඩෙන්ඩ"

" ඇයි බං?"

"ඕකුං හදන්නේ අවුරුදු හතරේ ඩිග්‍රිය අරං පරිපාලනේට රිංගන්ඩනේ"

"ඉතිං?"

"ඉතිං කියන්නේ, ඊට පස්සේ ඕකුං එයි අපිව පාලනේ කරන්ඩ"

"ඉතිං බං අපි දැං උංව පාලනේ කරන්නේ.උනුත් එහෙම ආවම මොකෝ"

"සම-සෞඛ්‍ය එකට යන්නේ අඩු ළකුණු ගත්ත එවුන්නේ බං."

"දිස්ත්‍රික්ක කෝටා සීන් එක හින්දා සමහර පැතිවලිං මෙඩිසින් ගිය උන්ට වඩා වැඩි රිසල්ට්ස් දාලා මෙඩිසින් යන්ඩ බැරි වෙච්ච උං ඉන්න පැති තියෙනවනේ බං.ඉතිං උං සම-සෞඛ්‍ය එකට යනවා.එහෙම බැලුවම සමහර දොස්තරලට වඩා ලකුණු තියෙන උං සම-සෞඛ්‍ය එකේ ඉන්නවනේ බං.අනික උඩින්ම ඉන්න සෞඛ්‍ය ඇමතිගේ සුදුසුකම් කවුද තීරණේ කරන්නේ?"

"උඹත් එක්ක කතා කරලා වැඩක් නෑ"

එස් බී දිසානායක මහත්තයා මේක GMOA එක මත පටවා ඇඟ බේරාගන්නට හැදුවත් කිව යුත්තේ රජයට මේ ගැටළුව විසඳීමට ඇත්තම උවමනාවක් ඇත්නම් මෙය විසඳීමට ඔවුන්ට හැකි බවය.සිවු අවුරුදු පාඨමාලාවට විරුද්ද වන්නේ GMOA එක පමණි.රටේ සංවිධාන රැසක් විරුද්ධ වූ කැසිනෝ පනත සම්මත කරගත් ආණ්ඩුවට මෙය මහ කජ්ජක් නොවේ.නමුත් මෙවැනි ගැටුම් පැවතීම ආණ්ඩුවට ආශීර්වාදයකි.රටේ සැබෑ ප්‍රශ්න ජනතාවට අමතක කරවීම, පුද්ගලික විශ්ව විද්‍යාල සාධාරණී කරණය වීම, අධ්‍යාපනයට වෙන් කරන මුදල් කප්පාදු කොට රේස් පැදීමට වෙන් කිරීමට හැකි වීම ආදී වාසි කිහිපයක් ආණ්ඩුවට මේ තුවාල සුව නොකොට තබා ගැනීමෙන් ලැබේ.




උපාධියේ කාලය වැඩක් නෑ එකම ඩිග්‍රිය දෙනවනං යැයි කියාද මතයක් ඇත.නමුත් ක්‍රෙඩිට් ක්‍රමය අනුව බලන විට සිව් අවුරුදු පාඨමාලාවට ක්‍රෙඩිට් 120ක් ලැබෙන අතර තුන් අවුරුදු පාඨමාලාවට ලැබෙනේ ක්‍රෙඩිට් 90ක් පමණි.මේ සාධක ඔවුන්ට රැකියා ලබා දීමේදී සහ පශ්චාත් උපාධි ආදිය කිරීමේදී බලපාන්නේය.ඒ කරුණු නොසලකා හැරියත් මොවුන් කටයුතු කරන්නේ මිනිස් ජීවිත සමඟය.ඔබේ මව හෝ පියාට ප්‍රථිකාර කරන තැනැත්තා වසරක් වැඩිපුර පුහුණුවක් ලැබූ අයෙක් වනවාට ඔබ කැමති නැද්ද?

ශ්‍රී ලංකාවේ ප්‍රධාන ආදායම් මාර්ගයක් වන්නේ විදෙස් රටවල බැලැමෙහෙවර සඳහා ගැහැනුන් පිටත් කර යැවීමය.ඔවුහූ ඒ රටවලදී දූෂණය කෙරෙති.අතපය කඩා දැමෙති.වැටුප් නොගෙවා වැඩ ගනිති.ඉඳිකටු, ඇණ ආදිය ඇඟට ඇතුල් කෙරෙති.එවන් වූ පහත් රැකියාවලට අපේ රටේ ගැහැනුන් යවන අපි ප්‍රෞඪ ජාතියක් වෙමු.වසර 2500ක් ඈත ඉතිහාසයකට උරුම කම් කියන සහ ලෝකයේ දරුණුම ත්‍රස්තවාදය පරාද කළ වීරෝධාර ජාතියක් වෙමු.




මැදපෙරදිග කටුක රැකියාවේ යෙදී ගෘහ සේවිකාවන් 20 දෙනෙකුගෙන් ලංකාවට ලැබෙන විදේශ විනිමය එක් හෙදියක් විදෙස්ගත කිරීමෙන් ලැබිය හැක.ආයතනවල වැඩ කරන වෘත්තිකයින්ට ගෘහස්ත ප්‍රචණ්ඩත්වයට මුහුණ දීමට සිදුවන්නේද  නැත.වැඩි වැඩියෙන් වෘත්තිකයින් බිහි කොට ඔවුන්ට විදෙස් රැකියා ලබා දීමට කටයුතු කළ යුත්තේ රජය ය.රට රටවල ඇවිදිමින් එක එකා ඉඹ බදාගන්නා අතරේ අත්සන් කළ යුත්තේ එවැනි ගිවිසුම්ය.

අදට මේ ඇතිය.මේක කියවන මගේ මිත්‍ර වෛද්‍යවරුන් මා හා අමනාප වනු ඇත.එසේ නොවන මෙන් කාරුණිකව ඉල්ලා සිටිමි.

20 May 2014

සරල සහ සංකීර්ණ


පාට ගලපලා
ඇඟට තියලා
කැරකිලා ඇඹරිලා
කණ්ණඩිය ඉස්සරහ

හරියන්ඩ ගැලපෙන්ඩ
කරාඹුත් දාලා
යාළුවෝ හැඩයි කියු
සෙරෙප්පුත් දෙපා ලා

එන ඈව හමුවන්න
ඇඳ මතින් පුටු වතෙන්
ඇහිඳ ළංකොට නැහැය
විලවුන්ද ඉස කමිසෙ
ගඳ බලා ඇඟෙහි ලා
හනි හනික පමා වී
එයි ප්‍රේම කුරුල්ලා


14 May 2014

නැකතට කිරීම.....





මොනවා උනත් අළුතෙන් වැඩක් පටං ගන්න කොට සුභ වෙලාවක් බලලා ඒක පටං ගන්න එක අපේ රටේ මිනිස්සුංගේ සිරිතක් ය.එහෙම සුභ වෙලාවට දෙයක් පටං ගත්තාම පටං ගත්තු වැඩේ ආයේ කිරිගහට ඇන්නා වගේ හරි යනවාලුය.ඔය මගුලක්, ගෙවල් හැදිල්ලක් වගේ සුළු සුළු කෙළි විතරක් නොව රටේ වැදගත් තීන්දු තීරණ ගැනිල්ලක් වෙන මැතිවරණ පවා තියන්නේ ඒ වෙලාවේ බලේ ඉන්න එකාට සුභ වෙලාවක් බලලාය.ඒ කොච්චර සුභ වෙලාවල්වල තිබ්බත් රටේ ඡන්ද දිනිල්ල තීරණේ වෙන්නේ රටේ ඉන්න එකාලගේ ගොබ්බ කම් මතය.



පොඩි එකෙක් ඉපදිච්ච වෙලාව බලලා උගේ කේන්දරේ හදනවාය.ඒ කියන්නේ ඒකා උපදින වෙලාවේ බලවත් වෙලා ඉන්න ග්‍රහයෝ ගැන බලලාය.දැං බැරි වෙලාවත් මිනිස්සු අඟහරු ලෝකේ පදිංචි උනොත් එහේ උපදින උන්ට අඟහරු උච්ච වෙනවාද කියා මට ප්‍රශ්නයක් තිබේ.වෙලාවට සෙනසුරු වායු ග්‍රහයෙක්ය. ඒක නිසා ඒකේ ජනාවාස පිහිටුවන්ඩ බැරිය.නැත්තං ඒකේ ඉන්න උන්ට හැමදාම සෙනසුරු මහ දශාවම ය.හැබැයි ඒත් සෙනසුරුගේ බැරි උනාට ඒක වටේ තියෙන ඔය යුරෝපා වගේ චන්ද්‍රයෙකුගේ ජනාවාස පිහිටෙව්වොත් උන්ටත් සෙනසුරු ඒරාශ්ඨකෙන් ගැලවීමක් නැත.ඒ නිසා අභ්‍යාවකාශ තාක්ෂණය තියෙන ඇමරිකාව, රුසියාව සහ චීනය වගේ රටවල් මේවා ගැන දැනුවත් කරන එක හොඳය.

ළමයෙක් උපදින වෙලාව බලලා උගේ අනාගතේ තීරණය කරන එකේ තියෙන අවුල අමතක කෙරුවත් පොඩි එකාගේ උපන් වෙලාව කියලා ගත යුත්තේ කොයි වෙලාවදැයි කියා මට කිසිම පැහැදිලි අදහසක් නැත.ඒක ඒ පොඩි එකා අම්මාගේ බඩට ආපු වෙලාව නොවිය යුතුද? එහෙම නැත්තං පොඩි එකා ඉස්සෙල්ලාම දඟලනවා අම්මාට දැනුනු වෙලාව ද? පළමු විළිරුදාව දැනුනු වෙලාව ද? හිස එළියට පෙනුනු වෙලාවද නැත්නම් හිස සම්පූර්ණයෙන් එළියට ආ වෙලාවද? හිස සම්පූර්ණයෙන් එළියට ආ වෙලාව කියන්නේ තට්ටම පළුව එළියට එන (breech presentation) පොඩි එකෙක්ගේ නම් සම්පූර්ණයෙන්ම හිස එළියට ඒමට සෑහෙන වෙලාවක් ගතවන බවද සැළකිය යුතුය. පොඩි එකා සම්පූර්ණයෙන් එළියට ආ වෙලාව මෙන්ම පෙකණිවැල කපා සම්පූර්ණයෙන් ස්වාධීන වූ වෙලාවද සළකා බැලිය යුතුය.වැදෑමහද බිහිවී මවගේ සිරුරෙන් දරුවාට සම්බන්ධ සියළුම පටක ඉවත් වූ වෙලාවද අමතක කරන්ඩ බැරිය.

ඒ කොයි වෙලාව හරි සැළකීමට ලොකයේ සියළුම විද්වත් ජ්‍යොතිෂවේදීන් එක්ව ඒකමතිකව තීරණයකට ආවත් ප්‍රසූත කාමරයේ තියෙන ඔරළෝසුව ගැන මට සතපහක විශ්වාසයක් නැත.මොකද මේවා රාජ්‍ය ආයතන වේ.ඔරළෝසුවේ බැටරි බැස්සොත් අළුතෙන් බැටරියක් දමා ගන්නට ලියුම් ලියා දහ පහළොස් දෙනෙකුගේ අනුමැතිය ගතයුතුයැයි සිතමි.ඒ කියන්නේ බැටරි බැස්සොත් බැස්සාම තමා කියන එකය.ඔරළෝසුව වැඩ කළත් ඒවායේ වෙලාව හරිදැයි විශ්වාස කරන්ඩ බැරිය.ග්‍රිනිච් වෙලාව ලෝක සම්මත වෙලාව උනාට අපේ රටේ ජ්‍යෝතිෂවේදීන්ගෙන් ඒ වෙලාව හරිම වෙලාවදැයි අසා බැලුවායැයි මමනම් හිතන්නේ නැත.ඒ පිළිබඳ එකඟතාවයකට පැමිණියත් ළමයා ඉපදෙන වෙලාව බලන්නේ වින්නඹු මාතාව හෙවත් මිඩ්වයිෆ් නෝනා හෝ හෙදිය ය.ඒ වෙලාවේ තියෙන කළබැගෑනිය අස්සේ හිතට එන වෙලාවක් දාලා දෙනවාය.එහෙම වැරදි වෙලාවක් බාවිතා කරලා උනත් අපේ ජ්‍යෝතිෂ කස්ටිය ගාණට වැඩේ කරගෙන යනවාය.දක්සතාවය කියන්නේ ඒකටය.

ඊට පස්සේ කොණ්ඩේ කපන්ඩ, ඉඳුල් කටගාන්ඩ, අකුරු කියවන්ඩ, ඉස්කෝලෙ යන්ඩ, කොටහළු උනාම නාන්ඩ, කොල්ලන්ට රැවුල කපන්ඩ වගේ ඒවාට සුභ මුහුර්තය බලනවාය.මේවා ලොකයේ අනිත් රටවල කෙරෙන දේවල් නෙමෙයිය.හැබැයි හැම දේම නියම විදිහට සුභවෙලාවට කොරන අපේ රටේ උන්ට වඩා, මේ කිසිම දෙයක් සතපහකට ගණන් නොගෙන ඉන්න වෙන රටවල් අපිට වඩා දියුණුය.භෞතිකව විතරක් නෙමෙයිය, අධ්‍යාත්මිකවත් උන් දියුණුය.

කසාද බැඳිල්ලට නැකැත් බැලිල්ල හරි ආතල් වැඩක් ය.අපේ රටේ උන් බඳින්ඩ ඕනේ උන්ට බඳින්ඩ හිතුනු දාට , පහසු දාට, නෑයින්ට යාළුවන්ට නිවාඩු එන්ඩ පහසු දවසක නෙමේය.ග්‍රහයා කියන දවසටය.එදාට එන්ඩ බැරි උන්ට කුද ගහගන්ඩ කියා බඳින උන් දෙන්නා බැඳිය යුතුමය.ජ්‍යෝතිෂ්‍ය මහත්මයා කියන විදිහට ඒ අය කියන විදිහට බැන්දේ නැත්තං මඟුල කැඩෙන එක කැඩෙනවාලුය.එක්කෝ ලොකූ අනතුරක් වෙනවාලුය.එහෙමත් නැත්තං බැන්දට ළමයි හම්බ වෙන්නේ නැතිලුය.එහෙම කියා ඔහු මඟුල කළයුතු පියවරෙන් පියවරට නැකැත් හදා දෙනවාය.මනමාලිට ගෙයින් පිට වෙන්ඩ නැකතක් තියෙනවාය.මනමාලයාට ගෙදරින් පිට වෙන්ඩ නැකතක් ද තියෙනවාය.මනමාලි ගෙදරින් පිටවෙන නැකත කියාල කෙහෙල්මලක් ආවේ මඟුල හෝටල්වල ගන්ඩ ගත්තාට පස්සේය.නැත්තං මඟුල ගත්තේ මනමාලිගේ ගෙදර නිසා ඔය කියන නැකත මනමාලිට උදේ නැගිටලා දත කට මැදගන්ඩ හදන නැකත වෙන්ඩ ඕනෑය.




තැල්ල තියන්ඩ, පෝරුවට නගින්ඩ, ඒකෙන් බහින්ඩ, අස්සන් කරන්ඩ ආදී හැම දේටම නැකැත් තියෙනවාය.මිනිස්සු බඳින්නේ මොන හේතුවකට දැයි ඇහුවොත් විවිධ හේතු කට්ටිය කියන්ඩ පුළුවංය.ඒ උනත් ඇත්තම හේතුව වෙන්නේ දෙන්නෙක් බඳින්නේ සංසර්ගයේ යෙදෙන්ඩ ඕනෑ හින්දාය.ඒ නිසා මම නං කියන්නේ මඟුලේ වැදගත්ම දේ වන සංසර්ග කාරියටත් නැකැත් හදන්ඩ ඕනෑ කියලාය.ඇත්තටම බඳින දෙන්නා ඊට කළිඅං ලෝකෙට හොරෙං (ලෝකාපවාදයට බය නිසා) ගස් ගල් අස්සේ හැංගිලා මෛථූනයේ යෙදිලා නැති කන්‍යා යුවලක් නම්, මඟුල නම් වූ ක්‍රියාපටිපාටියේ දෙන්නාගේ කුළුඳුල් අත්දැකීම් වන්නේ මේ සංසර්ග ක්‍රියාවලිය නොවේද? ඒ නිසා මම යෝජනා කරන්නේ මනමාලියගේ ඇඳුම් ගැලවීමට නැකතක්, මනමාලයාගේ ඇඳුම් ගැලවීමට නැකතක්, පළමු සිප ගැනීමට නැකතක්, මීට කළිං මැස්සෙක්වත් වහලා නැති හරිය ස්පර්ශය සඳහා නැකතක්, ආදී වශයෙන් හැම එකටම නැකැත් හැදිය යුතුය.නමුත් සුරාන්තය වගේ දේවල් නැකතට කරන්ඩ බැරි නිසා එවැනි දේවල් ස්වභාවධර්මයට බාරදීම හොඳය.



අපිට අනන්‍ය වූ අපේ ශාස්ත්‍ර දියුණු කිරීමේ අරමුණෙන් පුද්ගලික අත්දැකීම් මත කරන්නා වූ යෝජනාවක් පමණි.කිසිවෙකුටවත් පුද්ගලිකව චෝදනා කර නොමැති බව කාරුණිකව සලකන්න.


27 April 2014

මකබෑවියං මදුරුවා....



කූං ගාගෙන 
කණ වටේ කැරකුණාට
මරන්ඩනං නෑ වෙලාවක්
ඇසිල්ලක අවසරයෙන්
අත අහකට අරගෙන
එළවනවා විතරයි

ඒත් 
දුරස් උනත්
එක නිමේෂයකට 
ආයෙත් එන්නේ 
'රූං' ගාගෙන
නෝන්ඩියටත් එක්ක

කකුල් දෙකම
වහගෙන සරමෙන්
ඉන්න මුත්
අත් දෙකට නෑ රැකවරණ
දැවිල්ලක් එන්නෙ
කාලා වගෙයි
වැළමිට හරිය

ඇයි බං
දීපල්ලකෝ එක විනාඩියක
සැනසිල්ලක්
හයිස්කෝර් ගහනකං
සබ්වේ සර්ෆර්ස්වල




25 April 2014

දියවැඩියාව නොහොත් මධුමේහය



සීනි අමාරුව කියලා කවුරුත් කියන දියවැඩියාව හෙවත් මධුමේහය හෙවත් ඩයබිටීස් මෙලයිටස් (Diabetes mellitus) කියන ලෙඩේ ගැන පාඩම් කරන කොට කට්ටියට දැනගන්ඩත් එක්ක ලියලා දාන්ඩ හිතුනා.දියවැඩියාව සෑහෙන්ඩ භයානක ලෙඩක් උනත් ඒක සෑහෙන්ඩ සුළබ ලෙඩක් වීම නිසාම කවුරුත් එච්චර ගණන් ගන්නේ නෑ.ලංකාවේ ජනගහනයෙන් 10% විතර දියවැඩියාව හෝ දියවැඩියා අවධානමෙන් පෙළෙනවා.ඒකෙනුත් නාගරික හෝ ඒ ආශ්‍රිත අයට දියවැඩියාව වැඩිපුර තියෙනවා.ඉස්සර දියවැඩියාව සැළකුනේ වයසක අයට හැදෙන ලෙඩක් හැටියට උනත් දැන් ඒක ඉස්කෝලේ ළමයි අතරත් පැතිරීගෙන යනවා.

දියවැඩියාව කියන්නේ රුධිරයේ සීනි මට්ටම අහිතකර විදිහට ඉහළ යෑම කියලා කවුරුත් දන්නවනේ.මිනිස් සිරුරේ අභ්‍යන්තරයේ පරිසරය නියතව තියාගන්ඩ තමයි අපේ ශරීරය හැඩ ගැහිලා තියෙන්නේ.මේ අභ්‍යන්තර පරිසරය නියතව තබා ගැනීම නිරෝගීව ඉන්න සෑහෙන්න වැදගත්.ඉතිං මේ රුධිරයේ සීනි මට්ටම ඒ කියන්නේ ග්ලූකෝස් මට්ටම නියත අගයක ඒ කියන්නේ 70-100 mg/dL වගේ අගයක පවත්වා ගැනීමත් වැදගත්.වාහනයක් වැඩ කරන්ඩ පෙට්‍රල් ඕනේ වගේ, පරිගණකයක් වැඩ කරන්ඩ කරන්ට් එක ඕනේ වගේ, අපේ ඇඟේ සෛලවලටත් ඒවායේ කාර්යයන් කරගෙන යන්ඩ ශක්තිය ඕනෑ කරනවනේ.මෙන්න මේ ශක්තිය ලබාගන්නේ සෛල ඇතුලේදී ග්ලූකෝස් දහනය කරලයි.ඉතින් සෛලවලට අවශ්‍ය ග්ලූකෝස් සෛල කරා ගෙනියන්නේ රුධිරය හරහානේ.ඒ නිසා රුධිරයේ හැම තිස්සේම ග්ලූකෝස් තිබිය යුතුයි.හැබැයි මේ ග්ලූකෝස් ඕනේවට වඩා වැඩි උනොත් ප්‍රශ්න ඇති වෙනවා."ඕනෑම දෙයක් ඕනෑවට වඩා ඕනෑම නෑ" කියනවනේ.



රුධිරයේ ග්ලූකෝස් මට්ටම වැඩි නොවී තියාගන්නේ ඉන්සියුලින් කියන හෝමෝනය කියලත් කට්ටිය අහලා ඇති කියලා හිතනවා.රුධිරයේ ග්ලූකෝස් මට්ටම වැඩි වෙනකොට අග්න්‍යයාශ්යේන් මේ ඉන්සියුලින් ස්‍රාවය වෙන්ඩ පටන් ගන්නවා.ඉන්සියුලින්වල කාර්යය තමයි අක්මාවේ සහ මාංශ පේශිවල දී මේ ග්ලූකෝස් ග්ලයිකොජන් බවට පත් කරලා ගබඩා කරන එක සහ සෛල මගින් ග්ලූකෝස් භාවිතා කරලා ශක්තිය නිපදවන එක උත්තේජනය කරන එක.ඊට අමතරව මේද පටකවලින් මේදය රුධිරයට එකතු වෙන එකත් පාලනය කරන්ඩත් ඉන්සියුලින් දායක වෙනවා.

හරි දැං අපි දියවැඩියාව ගැන කතාකරන්ඩ ගත්තොත් දියවැඩියාව වර්ග දෙකක් තියෙනවා.

පළමු වර්ගයේ දියවැඩියාව (Type 1 Diabetes Mellitus)

මේක හැදෙන්නේ අග්න්‍යයාශයේ ඇති ඉන්සියුලින් නිශ්පාදනය කරන සෛල විනාශ වීම නිසා ශරීරයේ ඉන්සියුලින් නිපදවීම අඩු වීම හෝ නැත්තටම නැති වී යාම නිසයි.මේක සිද්ධ වෙන්ඩ හරි නිශ්චිත හේතුවක් තවම හොයාගෙන නෑ.සමහරු කියනවා වෛරස් ආසාධන මේකට බලපානවා ඇති කියලා.සමහරු කියනවා ඇඟේ ප්‍රතිශක්තිකරණ පද්ධතිය මේ සෛල විනාශ කරලා දානවා කියලා.කොහොම උනත් මේක සාමාන්‍යයෙන් වැළඳෙන්නේ තරුණ සහ යොවුන් වයසේ අයටයි.මේ අයට ජීවිත කාලයටම ඉන්සියුලින් ලබා දෙනවා ඇරෙන්ඩ වෙන ප්‍රථිකර්මයක් නෑ.නමුත් නිසි විදිහට ඉන්සියුලින් අරගන්නවා නම් සාමාන්‍ය විදිහට ජීවිතේ ගෙනියන්ඩ බලපෑමකුත් නෑ.

දෙවන වර්ගයේ දිය්වැඩියාව (Type 2 Diabetes Mellitus)

මේක හැදෙන්නේ අපේ ශරීරයට අනවශ්‍ය විදිහට සීනි ආහාර ලැබීමෙන් සහ ඒවා ශක්තිය විදිහට වැය කිරීම අඩු වීම නිසා ශරීරයේ සාමාන්‍ය ක්‍රියාකාරීත්වය වෙනස් වෙලා යාම නිසා.ඒ කියන්නේ ශරීරයට සෑහෙන්ඩ ග්ලූකෝස් ලැබෙනවා.හැබැයි ඒවා වැය කරන්ඩ තරම් ව්‍යායාමයක් සිද්ධ වෙන්නේ නැති උනාම ශරීරයේ සෛල ඉන්සියුලින්වලට දක්වන ප්‍රතික්‍රියාව අඩාල වෙලා යනවා.ඒ කියන්නේ ඉන්සියුලින් කොච්චර තිබ්බත් සෛල ඒක ගණන් ගන්නේ නෑ (Insulin resistance).එහෙම උනාම රුධිරයේ ග්ලූකෝස් මට්ටම ඉහළ යන එක අහන්ඩත් දෙයක්ද?

මේ දෙවන වර්ගයේ දියවැඩියාව තමයි වැඩි දෙනෙකුට වැළඳෙන්නේ.ඒ වගේම ඒක හැදෙන එක වළක්වගන්ඩත් පුළුවන්.ඒක නිසා ඒක ගැන දැන ගන්න එක ගොඩක් වැදගත් කියලා මම හිතනවා.

මේ දෙවන වර්ගයේ දියවැඩියාව හැදුනත් ගොඩක් අය දන්නේ නෑ තමුන්ට ලෙඩේ තියෙනවා කියලා.ඒ නිසා ගොඩක් වෙලාවට ලෙඩේ තියෙනවා කියලා දැනගන්නේ අහම්බෙන් රුධිර පරීක්ෂාවක් කළොත් හරි දියවැඩියාව නිසා ඇතිවෙන සංකූලතාවයක් ඇති උනොත් හරි තමයි.ඒ නිසා වයස අවුරුදු 35ට වැඩිනම් හරි, පවුලේ ළඟම ඥාතියෙකුට දියවැඩියාව තියෙනවා නම් හරි ඒත් නැත්නම් නිකං හරි සැකයක් තියෙනවානං හරි ගිහිල්ලා රුධිර පරික්ෂාවක් කර ගන්න එක හොඳයි.අඩුම තරමේ අවුරුද්දකට එක පාරක් වත්.

රුධිරයේ සීනි මට්ටම ඉහල ගියාම මුත්‍ර එක්ක ග්ලූකෝස් පිට වෙන්ඩ පටන් ගන්නවා.මුත්‍රවල දියවෙලා තියෙන ද්‍රව්‍ය ප්‍රමාණය වැඩි වෙනකොට ඒ ද්‍රව්‍යත් එක්ක වැඩි වතුර ප්‍රමාණයකුත් මුත්‍ර විදිහට පිට වෙලා යනවා.ඒ කියන්නේ වැඩි මුත්‍ර පරිමාවක් දවසකට පිට වෙනවා.දවල් දවසේ කී පාරක් මුත්‍ර කළාද කියලා කෙනෙකුට මතක හිටින්නේ නෑ.නමුත් රෑට දෙපාරකට වඩා නින්දෙන් නැගිටලා මුත්‍ර කරන්ඩ යන්ඩ වෙනවනං ඔන්න පොඩ්ඩක් සැළකිළිමත් වෙන එක හොඳයි.ඒ වගේම අධික ලෙස මුත්‍ර පිට වීම නිසා වගේම රුධිරයේ ග්ලූකෝස් අධික වීම නිසා රුධිරයේ ඇති ද්‍රව්‍ය ප්‍රමාණය වැඩි වීම නිසා මේ පුද්ගලයින්ට තිබහ දැනෙනවත් වැඩී.ඒ වගේම ඉන්සියුලින්වලින් මේද පටකයේ මේද තැන්පත් වීම උත්තේජනය කරනවා වගේම මේද පටකයෙන් මේද නැවත රුධිරයට මුදා හැරීම වළක්වන නමුත් මේ අයගේ ශරීරයේ ඉන්සියුලින් හරියට වැඩ කරන්නේ නැති හින්දා මේ අය කෙට්ටු වෙන්ඩත් පටන් ගන්නවා.ඒ වගේම රුධිරයේ කොච්චර ග්ලූකෝස් තිබ්බත් ඒවා සෛල ඇතුලට ගන්ඩ නම් ඉන්සියුලින් හරියට වැඩ කරන්ඩ ඕනේ හින්දා සෛල නිතරම ඉන්නේ බඩ ගින්නේ.ඒ නිසා මේ සෛල මොළයට පණිවිඩ යවනවා එයාලට කෑම නෑ කියලා.ඒක හින්දා මොළය පුද්ගලයාට බඩගින්න ඇති කරන්ඩ කටයුතු කරනවා.

ඒ නිසා,


  • ඇඟ කෙට්ටු වීම
  • අධික පිපාසය ඇති වීම
  • අධික ලෙස මුත්‍ර පිට වීම
  • අධික කුසගින්න
  • නිතර නිතර ආසාදන ඇති වීම


වගේ රෝග ලක්ෂණ තියෙනවා නම් වහාම වෛද්‍යවරයෙක් හම්බ වෙලා රුධිරයේ සීනි පරීක්ෂාවක් කර ගන්ඩ.

හැබැයි මේ කියන රෝග ලක්ෂණ දෙවන වර්ගයේ දියවැඩියා රෝගීන්ට ඇති වෙන්නේ කළාතුරකින්.ඒ නිසා මේ රෝග ලක්ෂණ නැති පළියට දියවැඩියාව නෑ කියලා නං හිතන්ඩ එපා.

දියවැඩියාව නිසා ඇතිවන අයහපත් අතුරුපල

දියවැඩියාව නිසා ඇතිවන සංකූලතා,

  • විශාල රුධිරවාහිනී ආශ්‍රිත සංකූලතා
  • කුඩා රුධිරවාහිනී ආශ්‍රිත සංකූලතා 
  • වෙනත් සංකූලතා

                                   කියලා වර්ග කරන්ඩ පුළුවන්.


විශාල රුධිරවාහිනී ආශ්‍රිත සංකූලතා



විශාල රුධිර වාහිනීවල බිත්තියේ මේදය තැන්පත් වීමෙන් ඇතිවන ඇතරොස්ක්ලෙරෝසිස් (atherosclerosis) කියන තත්ත්වය වර්ධනය කරන්ඩ දියවැඩියාව දායක වෙනවා.ඒ මගින් රුධිර වාහිනී අවහිර වීම නිසා හෘදයාබාධ (හෘදයේ කිරීටක ධමනි අවහිර වීමෙන්), අංශභාගය( මොළයේ රුධිර වාහිනී අවහොර වීමෙන්), පාදවලට රුධිර සැපයුම අඩාල වීමෙන් පාදවල වේදනාව තුවාල ඇතිවීම ආදිය ඇති වෙන්න පුළුවන්.

කුඩා රුධිරවාහිනී ආශ්‍රිත සංකූලතා

කුඩා රුධිරවාහිනීවල බිත්තිය හරහා ද්‍රව්‍ය ගමන් කිරීමට බාධා සිදුවීම දියවැඩියාව නිසා සිද්ධ වෙනවා.ඒ නිසා ඇසේ දෘෂ්ඨි විතානයට රුධිර සැපයුම අඩාල වීම නිසා පෙනීම අඩු වීම හෝ නැති වීම සිද්ද වෙන්ඩ පුළුවන්(Diabetic retinopathy). වකුගඩුවල ඇතුලේ තියෙන සියුම් රුධිර නාලවලටත් මේ තත්ත්වයම බලපෑම නිසා වකුගඩු අකර්මන්‍ය වෙලා යන්ඩත් පුළුවන් (Diabetic nephropathy). ඒ වගේම ස්නායුවලට පෝෂණය සපයන එක අඩාල වීමෙන් ස්නායු ක්‍රියාකාරීත්වය අඩපණ වෙලා යෑම නිසා කකුල් සහ අත් හිරිවැටීම වේදනාව ඇතිවීම වගේ දේවල් සිද්ධ වෙන්ඩ පුළුවන් (Diabetic neuropathy).

වෙනත් සංකූලතා

වෙනත් සංකූලතා කිව්වම ශරීරයේ ප්‍රතිශක්තිය දුර්වල වීම නිසා නිතර නිතර විශබීජ ආසාදන ඇතිවීම සිද්ධ වෙන්ඩ පුළුවන්.විශේෂයෙන්ම කාන්තාවන්ගේ යෝනි මාර්ගයේ සුදුපාට මුදවපු කිරි වගේ ස්‍රාවයක් එක්ක තද කැසීමකුත් එක්ක ඇතිවෙන කැන්ඩිඩයසිස් කියන දිලීර ආසාදනය දියවැඩියාව තියෙන කාන්තාවන් අතරේ හරිම සුළබයි.

ප්‍රධානම ගැටළුවක් වෙන්නේ පාදවල හටගන්නා සුව නොවෙන තුවාල.දියවැඩියා රෝගීන්ගේ පාද හිරිවැටීම සිද්ධ වෙන්ඩ පුළුවන් කියලා කළිං කිව්වනේ.ඒ නිසා මේ අයගේ කකුල කොහේ හරි වැදිලා තුවාල උනත් ඒ අයට දැනෙන්නෙ නෑ.ඒ වගේම රුධිර සැපයුම අඩු වීම නිසා වගේම ස්නායු සැපයුම අඩු වීම නිසාත් තුවාල ඉබේ හට ගන්නත් පුළුවන්.අනිත් කාරනය තමයි මේ අයගේ කකුල් හිරි වැටීම නිසා ඇවිදිද්දි නිසි විදිහට කකුල බිම තියන්නේ නෑ.ඒ නිසා ඇඟේ බර කකුලේ සමව බෙදිලා යනවා වෙනුවට යම් යම් ස්ථානවලට විතරක් මුළු බරම වැටෙනවා.එහෙම උනාම ඒ බර වැටෙන තැන්වල තුවාල හැදෙන්ඩ පුළුවන්.ඒ විතරක් නෙමෙයි කකුලේ ස්නායු සැපයුම අඩාල උනාම කකුලේ දහදිය දැමීම වගේ දේවලුත් සිද්ද වෙන්නේ නෑ.එතකොට කකුලේ හම වේලිලා පුපුරලා යෑම හරහාත් තුවාල ඇති වෙන්ඩ පුළුවන්.

මෙහෙම ඇතිවෙන තුවාල ගැන රෝගියාට දැනෙන්නේ නැති නිසා මේවා නිකම්ම පැසවලා යනකන් කවුරුවත් දන්නේ නෑ.රෝගියාගේ රුධිරයේ ප්‍රතිශක්තිය අඩු වීම නිසා ඉක්මනට මේ තුවාලවලට විශබීජ ආසාදනය වෙන එකත් සිද්ද වෙනවා.හැබැයි රුධිර සැපයුම මේ හරියට නිසි විදිහට නැති හින්දා සුදු රුධිරාණුවලට ගිහිල්ලා මේ විශබීජ විනාශ කරලා දාන්ඩත් ලේසි වෙන්නේ නෑ.අවසන් ප්‍රතිඵලය වෙන්නේ කකුල කපලා දාන්ඩ සිද්ද වෙන එක.ලංකාවේ වැඩිපුරම කකුල් කපලා දාන්නේ දියවැඩියාව නිසා ඇතිවෙන සංකූලතා නිසා තමයිලු.






මේක වළක්වගන්නේ / පාලනය කරන්නේ කොහොමද?


  • නිසි විදිහට ආහාර ගැනීම
  • නිසි පරිදි ව්‍යායාම කිරීම
  • නරක පුරුදු අත් ඇරීම
  • දැනටමත් රෝගය තිබේ නම් නිසි පරිදි ඖෂධ ලබාගැනීම


නිසි විදිහට ආහාර ගැනීම

මේක තමයි ලොකුම ප්‍රශ්නේ.ලෝකේ මිනිස්සු ඇබ්බැහි වෙන දේවල්වලින් ප්‍රධානම වෙන්නේ කොකේන්, හෙරොයින්, සිගරට් හෝ අරක්කු නෙමෙයි "කෑමවලට" කියලයි කියන්නේ.හැබැයි ඉතින් "ආරෝග්‍යා පරමා ලාභා" හින්දා කෑම ගන්නකොට පෙරේත කම පැත්තකින් තියලා සෞඛ්‍ය ගැනත් හිතන්ඩ පුරුදු වෙන එක හොඳයිනේ.බත් කනකොට නාඩු වගේ හාල් කනවනං හොඳයි කියලයි කියන්නේ.ඒක හොඳයි කියලා පිඟන් තුන හතරක් කන්ඩ හොඳ නෑ.එක වේලකට බත් පොල්කටු හැඳි එකක් හෝ එකහමාරක් විතර.පිඟාන පිරෙන්ඩ එළවළු සහ පලාවර්ග.අන්න එහෙම දාගත්තම බඩගින්නේ ඉඳලා ගැස්ට්‍රයිටිස් හදාගන්ඩ වෙන්නෙත් නෑ.අල වර්ග, තෙල් කෑම, බේකරි නිශ්පාදන අඩුවෙන්.කෙඳි සහිත ආහාර ( ඒ කිව්වේ පොල් ලෙලි, රඹුටන් ලෙලි, නූඩ්ල්ස්, ඉඳි ආප්ප වගේ දේවල් නෙමෙයි ) වැඩිපුර කනවනම් හොඳයි.පළතුරුවලත් ඔය කෙසෙල් වගේ ඒවයේ සීනි වැඩියි කියනවනේ.ඒ හින්දා ඔය වෙන මොනවා හරි පළතුරු ටිකක් කනවනං හොඳයි.ඔය ප්‍රධාන වේල් අතරමැදදි උදේ දහයට ටී එකක් එක්ක පාං එකහමාරක්, හවසට තේ එක්ක බිස්කට් පනහක් හැටක් කන එකත් අඩු කරන එක හෝ නැත්තටම නැති කරන එකයි හොඳ.



නිසි විදිහට ව්‍යායාම කරන එකත් වැදගත්

ව්‍යායාම කියන්නේ ජිම් එකකට ගිහිල්ලා සල්ලි දීලා අනුංගේ යකඩ උස්සන එකටම නෙමෙයි නේ.වැදගත් වෙන්නේ සතියට අඩුම තරමේ දවස් පහක්වත් දවසට පැය භාගයක්වත් හොඳට හති වැටෙන්ඩ, දාඩිය දාන්ඩ එක දිගට මොනවා හරි ව්‍යායාමයක් කරන එක.හොඳම ඒවා කියන්නේ දුවන එක, බයිසිකල් පදින එක, සහ පිහිනීම කියන තුනලු නේ.ඕකෙන් මම වඩාත් කැමති ඔය පිහිනීම කියන එකට තමා.දාඩිය දාන්නැති සෙල්ලමක් නෙව.හැබැයි ඔය තඩි ඇඟවල් උස්සගෙන දුවන්ඩ ගිහිල්ලා දණිස් අමාරු හදගන්න හින්දා දුවන්නැතුව හයියෙන් ඇවිදින්ඩ කියලා තමයි වෛද්‍ය උපදේසෙ දෙන්නෙ.ලොක්කා රට පුරා ජොගිං ට්‍රැක් හදලා තියෙන එකේ හවසට හවසට සන් ග්ලාසුත් දාගෙන අයිපොඩ් එකක් නැත්තං චයිනීස් ෆෝන් එකකට හරි කමක් නෑ හෙඩ් සෙට් එකත් ගහගෙන, කොට ෂෝටක් ඇඳලා පොඩ්ඩක් ඇවිදින්ඩ සෙට් උනානං හෙණ ගහනවද මං කියන්නේ?

ගොඩක් ගෘහණියෝ කියන කතාවක් තමයි අපි මේ ගෙදර කරන සුමේ හොඳ ඇක්සයිස් එකක් තමයි.තව මොනවටද අමුතුවෙන් ඕවා කරන්නේ කියලා.ගෙදර කරන එදිනෙදා කටයුතු ව්‍යායාම විදිහට ගන්නේ නෑ.ඇයි ඉතිං ඒ උන්දැලා විනාඩි දෙකක් මිදුල අතු ගාලා එහා ගෙදර ඇන්ටිත් එක්ක පැයක් කාට හරි බණිනවා, නැත්තං තමුංගෙ වරුණාව කියවනවා.ආයෙ ටිකක් අතුගානවා.ආයේ කතාව.ගේ ඇතුලේ මොනවා හරි ටිකක් කරනවා.ටීවී එක දාගෙන සුභාසිරි බලනවා.ආයේ පැයකින් විතර ඉතුරු ටික කරනවා.මේ විදිහට කැඩි කැඩී සිද්ද වෙන නිසා ඒක නිසි ව්‍යායාමයක් වෙන්නේ නෑ.

අනිත් චෝදනාව තමයි වෙලාවක් නෑ කියන එක.අපේ රටේ මිනිස්සු පුදුම විදිහට කාර්යබහුල වෙලා ඉන්නේ.හැබැයි බැලුවාම කරපු ඇති කෙංගෙඩියකුත් නෑ.ඔය ව්‍යායාමවලට කියලා වෙනම ලෑස්ති වෙන්ඩ ඕනේ නෑ.ළමයා මොන්ටිසෝරියෙන් එක්ක එන්ඩ ත්‍රීවීල් එකේ යන්නැතුව ටිකක් කළිං ගෙදරින් පිට වෙලා යනවා පයින්.බස් එකේ හවස වැඩ ඇරිලා එද්දි ගේ ගාවින් බහින්නැතුව හෝල්ට් එකක් දෙකක් කළිං බැහැලා ඉතුරු ටික එනවා පයින්.එහෙමයිනේ ව්‍යායාම එදිනෙදා වැඩවලට එකතු කර ගන්නේ.ත්‍රී වීල් එකේ නොයා පයින් යනවා කියන්නේ එකසිය පණහේ ඒවම කීයක් ඉතුරුයිද?



නරක පුරුදු අත් ඇරීම

නරක පුරුදු කියන්නේ දුම්බීම සහ අරක්කු, කසිප්පු, විස්කි, ජින්, බියර්, සකේ, වොඩ්කා, රා ඇතුළු සියළුම ඇල්කොහොල් පානයෙන් වැළකීම.මේවායින් හෘදයේ ක්‍රියාකාරීත්වය අඩපණ කරන නිසා දියවැඩියා රෝගියෙකුගේ නම් මරණය ඉක්මන් කරන්ඩ දායක වෙනවා.සල්ලි වියදම් කරලා මැරෙන්ඩ එපා.ඒ සල්ලි බිරිඳටයි දරුවන්ටයි ඉතුරු කරලා පොඩි ගාණකට කඹයක් අරගෙන එල්ලිලා මැරෙන්ඩ.ලේසියි පහසුයි සහ ඉක්මන්.කාටවත් කරදරේකුත් නෑ.



නිසි විදිහට ඖෂධ ගැනීම

මේක ඉතින් කියන්ඩත් දෙයක් නෙමෙයි.ඒත් අපේ මිනිස්සු පුරුදු වෙලා ඉන්නේ අජරාමර ගුලිය ගිලලා එක පාර ලෙඩ නිට්ටාවට හොඳ කර ගන්ඩනේ.හැබැයි බටහිර වෛද්‍ය විද්‍යාව එච්චර දියුණු නෑ.ඒක හින්දා දියවැඩියාව තියෙනවා නම් රුධිරයේ සීනි මට්ට්ම පාලනය කරගන්ඩ නිසි විදිහට දිගටම බෙහෙත් බොන්ඩ ඕනෑ.හැමදාම බෙහෙත් බොන්ඩ පුළුවනෑ.... කියන උන්දැලාට කියන්ඩ තියෙන්නේ මිනිස්සුන්ට හැමදාම අරක්කු සිගරැට් බොන්ඩ පුළුවං, රටේම තියෙන ඕනෑ කුණු ගොඩක් කන්ඩ පුළුවං, බෙහෙත් බොන්ඩ තමයි බැරි...අනේ බොලව්!!!
කොහොම උනත් කියන්ඩ තියෙන්නේ ඖෂධ මඟින් කරන්නේ රෝගය පාලනය කරන්ඩ උදව් වෙන එක විතරයි.රෝගය නියම විදිහට පාලනය කරන්නේ ආහාර පාලනය කිරීමෙන් සහ නිසි පරිදි ව්‍යායාම කිරීමෙන්.ඒ කියන්නේ දියවැඩියාව පාලනය කරන්නේ දොස්තරවත් බෙහෙත් පෙත්තවත් නෙමෙයි.ඔබම තමයි!!!

එතකොට කකුල්

දියවැඩියා රෝගීන්ගේ කකුල්වල තුවාල ඇති වීම ගැන කිව්වනේ.ඉතින් කකුල් ප්‍රවේසම් කර ගැනීමට නම් කරුණු කීපයක් අනුගමනය් කරන එක හොඳයි.


  • හැමදාම නින්දට පෙර කවුරුන් හෝ ලවා හෝ තනිවම කණ්ණාඩියක් ආධාරයෙන් කකුලේ උඩ, යටි පතුලේ සහ ඇඟිලි කරු අතර තුවාල තියෙනවද, දිලීර ආසාදන තියෙනවද කියලා පරීක්ෂා කරන්න.
  • නින්දට පෙර කකුල් හොඳින් සෝදා තෙත මාත්තු කරගෙන ඉන්න.ඒ සඳහා වෙනම තුවායක් පාවිච්චි  කරන්න.
  • නින්දට පෙර කකුල්වල සම රැකදෙන ක්‍රීම් (moisturizing cream) වර්ගයක් ආලේප කරන්න. (ඇඟිලි කරු අතරට නොයන ලෙස )
  • සෑම විටම (නිවස තුලදීත් ) පාදයට ගැලපෙන තද නොවූත්, සැහැල්ලු වූත්, ආසාත්මික නොවන පාවහන් පළඳින්න.
  • පාවහන් පැළඳීමට පෙර පාවහන් තුල වැලි කැට ආදිය නොමැති බව තහවුරු කර ගන්න.
  • නියපොතු නිතිපතා කෙටි කරගෙන තබාගන්න.තියුණු කෙළවරවල් තිබෙන පරිදි නිය කපන්න එපා.
  • කුඩා තුවාල ඇති උවහොත් නිවසේදී ප්‍රථමාධාර දී ආවරණය කර තබන්න.
  • විශාල තුවාලයක් නම්, කුඩා උවත් තුවාලය සුව වෙන්නේ නැතිනම් හෝ පැසවා ඇත්නම් වහාම වෛද්‍යවරයෙකුට පෙන්වන්න.


ඔබේ දෙපා දෑස මෙන් රැක ගන්න.



අදට ඔය මදෑ........



18 April 2014

කාලෙකට පස්සේ...



අන්තිමට බ්ලොග පැත්තට ඇවිල්ලා දැං මාසයකටත් වැඩී.වයසින් වැඩි වෙනකොට වගකීම් වැඩි වෙනකොට බ්ලොග් බලන්ඩ ලියන්ඩ කොහෙන්ද මෙයාලා වෙලාවක් හොයා ගන්නේ.හරියට බුසී ( busy ) වෙනවනේ.කොහොමිං කොහොම හරි මේ ටික දවසට රටේ ලෝකේ විතරක් නෙමෙයි බ්ලොග් ලෝකෙත් හරි හරි කෙළි නෙව සිද්ද වෙලා තියෙන්නේ.ප්ලේන් එක නැති උනාට පස්සේ නැවක් පෙරලිලා, මෝටර් සයිකල් දවල්ටත් ලයිට් දාං යනවා, ක්‍රිකට් වර්ල්ඩ් කප් එක දිනලා, ඒක පුද්ගල ඇල්කොහොල් පරිභෝජනය ලෝකෙංම හතර වෙනි තැනට ඇවිල්ලා ( බන්දුල ලොක්කා කියයිද දන්නෑ ඒක පුද්ගල ඇල්කොහොල් පරිභෝජනය කියලා සංකල්පයක් නෑ කියලා), බොදු බල සේනා එක ත්‍රස්තවාදී සංවිධානයක් වෙලා, විපක්ෂේ මන්ත්‍රීලට කුණු බිත්තර ගහලා, බ්ලොග් ලෝකේ සැට් සැට් ගහ මරාගෙන හනේ අපුච්චියේ හති බොලව්..............

රටේ ලෝකේ මොන පෙරළි තිබ්බත් ආණ්ඩුව ගැන මගේ තිබ්බ මතේ වෙනස් උනා ඔන්න.මේ ආණ්ඩුව පොඩි මිනිස්සුන්ට බඩේ පාර ගහලා ලොකු ලොක්කො එක්ක එක්කාහු වෙලා ජවුසන් නටනවා කියලා නෙව මම හිතං උන්නේ.ඒ උනාට පහුගිය දවස් කීපෙ රටේ මිනිස්සු නටාපු නැටිලි දැක්කම මට හිතුනේ "කවුද බොලව් මේ මිනිස්සු සාදුකිං ඉන්නවා කියන්නේ" කියලා.අවුරුද්දට සතියක විතර ඉඳං රෙදි කඩයක්, සුකුරුත්තං බඩු අරුමෝසම් බඩු තියෙන කඩයක් තියෙන පාරක යන්ඩ ඉඩැක් තිබ්බේ නෑ නෙව. සූ.................. ගාලා සෙනඟ වකාරෙට.හරියට වැල ගෙඩියට වහපු කෝඳුරුවො වගේ.විපක්සේ මොන පච කතා කෙළියත් මිනිස්සුන්ට සල්ලි නෑ කියන්නේ කොහොමද? රටේ සව්බාග්ගෙ සශ්‍රීකත්වෙ දැකලා කිරි වෙහෙරෙන් කිරිත් ආවනේ.මේ අපේ රජතුමාගේ ආනුභාවයට නිසා මිසක් මොකෝ මීට කළිං මොන රජා යටතේ වත් ඔහොම හාස්කං සිද්ද වෙලා තියෙනවා කියලයැ....හැබැයි කවුරු හරි ඕකෙං පොඩි සාම්පැල් එකක් අරං ටෙස්ට් කරලා බලන්ඩ එහෙම යනවා නෙමෙයි ඕං හරිය!!! මේ පෙරදිග රටවල්.මේවයේ දේවල් හොයා බලන්ඩ ඕනේ පෙරදිග විද්‍යාවට අනුව.ඒ කෙසේද යත්,

"අඩේ අර චෛත්තෙං සුදු පාටට මොනවද වැක්කෙරෙනවා බොලව්!!!"

"ඇත්තමයි ඒ මොනවද දන්නෑ නේ?"

"සුදුපාට දියර ලෙස වැක්කෙරෙන සොභාවික දේවල් තියෙන්නේ එක්කෝ එළකිරි නැත්තං රබර් කිරි.නමුත් චෛත්‍යයකින් රබර් කිරි වෑස්සීමේ සම්භාවිතාවක් නැත.ඒ නිසා ඒ එන්නේ සව්භාග්‍යයේ සංකේතය වන 'කිරි' ය. හා හා ඔන්න පෙරදිග ක්‍රමේට සනාථ කළා.වැඳ ගනියව් යකුනේ!!!"

එහෙම කිව් සැනින් වැඳ ගැනීම ඔබේ සරීර සවුක්යයට සුභදායකය.එසේ නොමැති උවහොත් හාමුදුරුවන් වහන්සේ සිවුර කැහැපට ගසාගෙන ශ්‍රද්ධාව සහ භක්තිය මිට මොළවාගෙන ධර්මය ඔබේ දත් වහල්ලත් සමඟ ඔබේ උදරගත කිරීමේ ඉඩක් ඇත.එසේ නැත්නම් "ගන්නවා මගේ අයි පෑඩ් එක" කියලා ඔබට නව තාක්ෂණය ඔස්සේ මුසු කොට ධර්මය බ්ලූටූත් කරනු ඇත.ඔය ආයෙත් කැලේ පැන ඇත.මට කියන්ඩ ඕනේ කළේ ආණ්ඩුව හොඳයි කියන එකය.කියවෙන්නේ වෙන මළ ඉළව්ය.


රටම ලොකු ලොක්කංගේ ආදර්ශ අරං එක සීරුවට රති කෙළියේය.හැමෝටම නාට්ටිවල ප්‍රධාන නිළිය එක්ක නිදි වදින්ඩ හෝ රුසියානු ගණිකාවන් ලැබෙන්නේ නැති නිසා උං අතට අහු වෙන නාඩි වැටෙන ඕනෑ එකක් එක්ක යහන් ගත වෙති.රටේ මේ නව ප්‍රවණතාව සිය ආර්ථික වාසියට හරවා ගැනීමට අපේ දිරිය කතුන් දක්සය.ගෙදරට වී නිකං බත් ගිල ගිල ඉන්නා, ටියුෂන් පන්තිවලට, තොල් සායම් නිය සායම් ආදියට මුදල් නාස්ති කරමින්  ඉන්නා සිය දියණිවරුන් ශ්‍රම බලකායට එක් කිරීමට මව්වරු කටයුතු කරති.කකුල් දෙක උඩ දාගෙන ගෙදරට වී 'චංගුමී' බලමින් නාස්ති කරන පැයක දෙකක කාලය කවුරු හෝ ඉදිරියේ කකුල් ඈත් කිරීමෙන් මුදල් බවට පත් කර ගැනීමේ අවකාශය අපේ රටේ ගැහැනු ළමුන්ට ලැබී ඇත.ලෝකයේ දියුණු යැයි සම්මත රටවල රැකියා වියුක්තිය ඉහල යන විට ආශ්චර්යයේ දීපයේ රැකියා වියුක්තිය අවම කිරීමට මෙකී ප්‍රවණතාව මහත් ලෙස දායක වී ඇත.

පොඩි කොස්සකට තියෙන්නේ චන්ද්‍රිකාවේ කේස් එකය.පොඩි කුමාරයා කිව්ව විදිහට ඒක යැව්වේ ඔහුය.ඒ උනාට තිස්ස ලොක්කා කියන්නේ එහෙව් එකක් යැව්වේ නෑ කියලාය.ඒ උනාට ඒ චන්ද්‍රිකාවේ ප්‍රථිලාභ බුක්ති විඳින ජනතාවක් විදිහට තිස්ස ලොක්කා ඉරිසියාවට කියන දේවල් අපි ගණන් ගන්නේ නැත.චන්ද්‍රිකාව නිසා අපේ ජීවිත සුඛිත මුදිත උනු හැටි, අස්වනු සරු වී අටුකොටු පිරී රට බතින් බුලතින් සාර වූ හැටි දන්නේ අපිය.ඔය කියන තිස්ස ලොක්කා මෙතුවක් කාලයකට අඩුම ගානේ අහස් ගුණ්ඩුවක්වත් යවා නැති බැව් අපිට බුදු ශුවර් ය.එකී හීනමානයෙන් අපේ රටේ චන්ද්‍රිකාව කියා එකක් නොමැති බැව් කියන මේ තට්ට නාකියාට කියන්නට ඇත්තේ දුර දක්නයක් ගෙන රෑට අහස නිරීක්ෂණය කරන ලෙසය.එවිට ඕනෑම ගොන් තඩියෙකුට අපේ අභිමානවත් චන්ද්‍රිකාවත් එහි සිටින වීරෝධාර සිංහයා රැගත් අපේ ජාතික කොඩියත් එයට යටින් නිල් පැහැයෙන් ලියා ඇති "සුභ අනාගතයක්" යන්නත් දැකීමට හැකිවනු ඇත.






08 March 2014

ලෝක කාන්තා දිනය සමරමු..



කාන්තා දිනයට ඊයේ යමක් ලියන්ඩ හිතාගෙන හිටියත් කම්මැලි හිතිච්ච නිසා එය ලෝක කාන්තා දිනයේදීම ලියා පල කිරීමට සිදු විය.ලෝක කාන්තා දිනය සමරන මේ මොහොතේ කාන්තාවන්ගේ නිදහස, ආරක්ශාව, ස්වාධීනත්වය, ස්වෛරීත්වය, ප්‍රජාචංචවාදය, උන්නතිකාමය, උංට වාසි වෙලාවට සමතැනත්, උන්ට කෙළ වෙන විට නිසි තැනත් ඉල්ලා කාන්තාවෝ හඬ නඟති.මේ සියළු අයිතිවාසිකම් ඔවුන් ඉල්ලා සිටින්නේ කපුටන්, අශ්වයන්, ඌරන් සහ එළුවන්ගෙන් නොව ගෑනුංගේ ගර්හාවට, අවඥාවට, නින්දාවට ලක්වන උංගෙන් සෑම විටම බැණුම් අසන සමහර විට ගුටිද කන පිරිමියා කියන අසරණ සත්වයාගෙනි.



අතීත රෝමකයින් ඔවුන්ගේ ජීවිත කුසීතව ඔද්දල්ව නොයනු පිනිස ඔවුන්ගේ නගර මධ්‍යයේ විශාල 'ඇරීනා' නිර්මාණය කොට සිරකරුවන් වහලුන් ඒවායේ කාකොටා ගන්නට දමා එකී ගහ මරා ගැනීම් බලා සන්තෝස වන්නට පුරුදුව සිටියෝය.දෙවියන් වහන්සේත් ආරම්භයේ පටන් කරන්නට වැඩක් නොමැතිව කම්මැලි කමේ ඉඳ අවසානයේ ලෝකය නම් මහා ඇරීනාව නිර්මාණය කොට එහි පිරිමියාත් ගැහැනියත් මවා උං කාකොටා ගන්නවා බලා කොහේ හෝ ඉඳ ආතල් ගන්නවා වෙන්නට පුලුවන.නැත්තං උන්දෑට පිරිමියා පමණක් මවා නිකා ඉන්නට තිබුණේය.ද්වීඛණ්ඩනයෙන්, අංකුර මඟින්, ධාවක මඟින්, කඩ කඩ වීමෙන් හෝ බල්බිල මඟින් සිය ප්‍රජාව බෝ කිරීමේ ක්‍රමයක් හදා දෙන්නට තිබුණි.නමුත් එවන් වූ සාර්ථක සාමකාමී ක්‍රමවේදයෙන් බැහැරව දෙවියන් වහන්සේ මෙතරම් සංකීර්ණ වූ ක්‍රමයක් නිර්මාණය කර ඇත්තේ හුදෙක් විනෝදය පිණිසම නොවේද?ගෙදරක ගෑනිත් මිනිහාත් මරාගන්නා විට වටේ ගෙවල්වල උන්ට එය කොච්චර ආතල් එකක් සපයන්නේද?



විවේකී ඉරිදා දව්ස්සේ ක්‍රිකට් තරගය බැලීමට හෝ චිත්‍රපටියක් බැලීමට හෝ පත්තරය පොඩ්ඩක් බලමින් නිදහසේ ගෙදරට වී ඉන්නට හදන විට ඔබේ බිරිඳ තේ එකක්ද හදාගෙන ඔබ වෙත එයි.

'ඉක්මනට මේක බීලා ලෑස්ති වෙන්ඩ.දවල් උනොත් මේ ගිනි රස්නේ පිස්සු හැදෙයි'

'කොහේ යන්ඩද?'

'ඔව් ඉතිං ඔයාට කවද්ද මගෙ දෙයක් මතක තිබ්බේ'

විසාල කුණාටුවක පෙර නිමිති හමුවේ ඔබ මේ කියන්නේ මොකක් ගැනදැයි පසුව සොයා ගැනීමේ අභිප්‍රායෙන් බොරුවක් කියන්නේය.

'ඇයි මට මතක නැත්තේ, මට මේ නිවුස් එක බල බල හිටපු හින්දා මතක් උනේ නැත්තේ.'

'අනේ යන්ඩ නිකං බොරුව නොදා.මං ඔයාට ගිය මාසේ කිව්වේ මට සාරියක් ගන්ඩ ඕනේ කියලා.මම ඊයේ රෑ කිව්වම හා කියපු ඔයාට දැං ඒක මතක නෑ.'

සතියකට පසු නිවාඩු දිනයක් ලැබ ළමයින්ද නින්දට ගොස් සිටි නිශා යාමයේ ඇය කියූ හැම දෙයටම සැළකිල්ලක් නොදක්වා 'හා' කියූ බව ඔබට සිහියට එන්නේ ඒ වෙලාවේය.

'හරි ඉතිං සාරි තෝරන්ඩ මට තේරෙණවද? ඔයා එහා ගෙදර චම්පත් එක්ක ගිහිං එන්ඩකෝ.'

'ඔව් මට ඉතිං එක එකා එක්ක තමයි යන්ඩ වෙලා තියෙන්නේ.මිනිහෙක් බැඳ ගත්තට වැඩක් තියෙනවයෑ.අන්න ඒකට කාන්තිගෙ හස්බන්ඩ්.කාන්තිගේ හැම වැඩකටම යන්නේ එන්නේ එයා.'

කාන්තිගේ සැමියා පිළිබඳ ඔබ තුල මහා ද්වේශයක් ගොඩ නැගෙන්නට පටන් ගනී.ගෑනුන්ට වැරදි පූර්වාදර්ශ දී අසරණ සැමියන් අපහසුතාවට පත් කරන උගේ වෘෂණ දෙක තලා බෙල්ල විකා මරා දැමීමට ඔබට සිතෙයි.සතියකට පෙර කාන්තිගේ සැමියා ගෑනු පෙරේතයෙක් බවත් ගෑනු දිහා කන්ඩ වගේ බලන බවත් බලෙන් කතාවට එන බවත් කියා ඔබත් එක්කම කියමින් බැන්නේ ඇය බව ඔබේ බිරිඳටත් මේ වෙලාවේ මතක නැත.

මේ මළ වදෙන් බේරෙන්නට වෙන කරන්නට දෙයක් නැති තැන ඔබ තේ එක උගුරු දෙකට බී ඉක්මනින් ඇඳ ගන්නට යයි.



සාරි තේරිල්ල ලේසි නැත.පාට හරියන විට රෙද්ද හරි නැත.රෙද්ද හරියන විට බෝඩරය හරි නැත.ඒ ඔක්කොම හරියන විට ඇය එම සාරිය අඳින විට එයට ගැලපෙන්නට ඔබට ඇඳුමක් නැත.ඔක්කෝම හරියන විට ගාන වැඩිය.ඒ කඩෙන් මේ කඩේට ගොස් ඔබට එපා වෙන්නේය.

'මේ සාරිය කොහොමද?' ඔබේ බිරිඳ ඔබේ ඇස් ඉදිරියේ එක්දහස් දෙසිය හත්වන සාරියද දිග ඇර පෙන්වයි.

'අනේ මංදා.' ඔබ අවංක අදහස කියන්නේය.

'ඔයාට මේක ලස්සනද කැතද කියලා කියන්ඩ බැරිද?එහෙම එකක්වත් කරන්ඩ බැරිනං මොකටද ඔයා ආවේ? අපරාදේ මට එන්ඩ තිබ්බේ චම්පත් එක්ක.'

කඩේ සෙනඟ ඉන්න නිසා ඔබ මුවින් නොබැන පසෙකට වී ඉඳී.

'මේක කොහොමද?' එක්දහස් දෙසිය අටවන සාරියද ඔබේ ඇස් ඉදිරියේ දිග ඇරේ.

'කැතයි' ඔබ වඩා සාධාරණ පිළිතුරක් දෙන්නේය.

'ඔයාට ඉතිං මම දෙයක් තේරුවොත් කැතයි නේ.පිරිමිනං අනේ මන්දා ඒ අයට ඉතිං ලස්සන වාහනයි, අනුංගේ ගෑනුයිනේ.'

ඔබ නැවතත් කරබා ගනී.සාරි කඩේ වෙළඳ මහතා ඔබ කෙරේ දයානුකම්පාවෙන් බලා හිඳී.වටපිට බලන ඔබ සුන්දර සාරියක් දකී.එය හැඳ සිටින ඔබේ බිරිඳ ඔබට මැවී පෙනේ.

'මේ සාරිය ලස්සනයි නේද?' ඔබ හිතට එඩිය ගෙන බිරිඳට යෝජනා කරයි.

'අපෝ මහ ගොඩේ ෆැෂන් තමා ඔයාටත් ලස්සන.මේක මහ පරණ පැට්න් එකක්නේ.'

'තමුසේ ගන්න ලබ්බක් අරගෙන බස් එකේ ගෙදර එනවා..' ක්‍රෙඩිට් කාඩ් එක ඇයට දෙන ඔබ කඩේකින් කෑම එකක්ද රැගෙන ගෙදර එන්නේ ඇය උයන්නේ නැති බව සක් සුදක් සේ දන්නා නිසාය.

ලෝක කාන්තා දිනය සමරන මේ මොහොතේ කාන්තාවන්ගෙන් තොර ලෝකයක් ගැන මදක් සිතා බලමු.

ඔබ කොළඹ ඇවිද ඇත්නම් එහි කොපමණ වෙළඳ සැල් කන්දරාවක් ඇත්දැයි දන්නවා ඇත.ගැහැනුන් නැති ලෝකයක මේ විච්චූරණ, තොරොම්බල් සිළිං බිලිං කඩ සියල්ල වැසී යනු ඇත.මුළු කොළඹම ඇඳුම් කඩ එකක් දෙකක්, බාර් තුන හතරක්,ඉලෙක්ට්‍රොනික් උපාංග කඩ කිහිපයක් සහ ෆිල්ම් හෝල් දෙක තුනක් ඇරෙන්නට අනිත් සියල්ල වැසී යනු ඇත.බොන උන් බහුතරය බොන්නේ ගෙදර ප්‍රශ්න ඇතිනිසා යැයි කියන නිසා බොන උන්ට බොන්ඩ හේතුවක්ද නැති වී යනු ඇත.ඒ හේතු කොටගෙන බාර් කීපයද කෙටි කලකින්ම වැසී යනු ඇත.

රෙදි කඩවලද අනං මනං මෝස්තර විකුණන එක නැවතී යනු ඇත.පිරිමින් විලාසිතා කිරීමට පොළඹවන්නේ ගැහැනුන් නිසා සරං, කොට කලිසම්, සහ ටී ෂර්ට් ඇර අනිත් ඇඳුම් අභාවයට යනු ඇත.පිරිමින්ව මුදල් සෙවීමට පොළඹවන්නට කෙනෙක් නොමැති වීම නිසා සමාජය අවශ්‍ය දෑ පමණක් ලබා ගැනීමට පමණක් වෙහෙස වෙන සාමකාමී, තෘෂ්ණාවෙන් තොර, විනෝදශීලී, සංග්‍රහශීලී තැනක් වනු ඇත.'අරූ ආශ්‍රය කරන්ඩ එපා, මූ ආශ්‍රය කරන්ඩ එපා' යැයි නීති දැමීමට කෙනෙක් නොමැති නිසා ලෝකය මිත්‍රශීලී, සුහදශීලී තැනක් වනු ඇත.'ඔයා මට කොච්චර ආදරේද?' වගේ ගොන් ප්‍රශ්න අහන්නට කවුරුත් නොමැති නිසා සමාජය සාරගර්භ මාතෘකා කතිකා කරන දාර්ශනික තැනක් වනු ඇත.

ඒ ඔක්කෝටමත් වඩා ගැහැනිය නොමැති වූවානම් පිරිමියා ගොනාට අන්දවන්ඩ සර්පයාට හැකිවන්නේ නැත.එහෙම උනානම් අපි තාමත් පාරාදීසයේය.අනික ඉළ ඇටයක්ද වැඩිපුර තියෙනවාය.




ඒ සුන්දර සිහින ලෝකයෙන් මිදී අපි නැවතත් යතාර්ථවාදී ලෝකයේ ලෝක කාන්තා දිනය සමරන්නට එක් වෙමු.කාන්තා විමුක්තිය වෙනුවෙන් සටන් කරමු!!!




25 February 2014

ජනතාව වෙනුවෙන් මාධ්‍යය......... ජනමාධ්‍යය



සියදිවි නසා ගැනිල්ල අපේ රටේ මේ දවස්වල ෆැෂන් එකක් වෙලා ඉවරය.කාට හරි අධෝ වාතයක් ගියත් එකෙක් සියදිවි නසා ගන්නවාය.මේ රැල්ල ජනප්‍රිය වීම ගැන විවිධ මතවාද හැම තැනම කතා බහ වෙනවාය.ගහ මරා ගන්නවාය.කොච්චර සංවාද ඇති උනත් මැරෙන උන් අඩු වෙන්නේ නැත.හැමෝම මේ ගැන කතාබහ කරන නිසා ඒ ගැන නොකියා ඉන්ඩ හැදුවත් මේක දැන් ජාතික ප්‍රශ්නයක් වෙලා ඉවරය.මගේ අදහස් ටිකත් බ්ලොග් සංවාද මණ්ඩපයට එක් කරන්ඩ ඕනේ කියලා හිතුනේ අඩුම ගානේ එක ජීවිතයක්වත් වෙනස් කරන්ඩ පුළුවන් උනොත් ඒකත් ලොකු දෙයක් හින්දා.

දිනුක ජයකොඩි නම් මානව හිතවාදියාගේ අදහස

සියදිවි නසා ගැනීම කියන එක ලංකාවට දැනෙන ප්‍රශ්නයක් වෙලා තිබ්බා.නමුත් සුමිත්‍රයෝ වගේ සංවිධානවල ක්‍රියාකාරීත්වය හින්දා අපි ලොකේ අංක එක වෙලා හිටපු තැනින් පොඩ්ඩක් පහලට එන්ඩ පුළුවන් උනා.සියදිවි නසාගැනීම්වලට හේතු විදිහට විවිධ අය විවිධ මත ඉදිරිපත් කරනවා.මානසික අසහනය, ආර්ථික පීඩනය, දෙමව්පියන්ගේ නොසැලකිල්ල, ගුරුවරුන්ගේ නොසැලකිල්ල, බොළඳ නාට්‍ය, චිත්‍රපට සහ නවකතා, වගේ හේතු ගොඩක් ගැන කතා කළත් මගේ අවධානය වැඩිපුරම යොමු වෙන්නේ ජනමාධ්‍ය කියන කොට්ඨාසය වෙත.සියදිවි නසාගැනීමක් වාර්ථා කිරීමේදී ඔවුන්ගේ කාර්යභාරය මොකක්ද කියන එක ගැන මම හිතන්නේ ගොඩක් අය දන්නේ නෑ.

සියදිවි නසාගැනීම් වාර්ථා කිරීමේ ක්‍රමවේදය අනුව තවත් සියදිවි නසාගැනීම් වැඩි කිරීම හෝ අඩු කිරීම සිද්ද කරන්න මාධ්‍යවේදීන්ට පුළුවන්.ඒක මාධ්‍යවේදීන්යැයි කියාගන්නා කුලකයට පමණක් සීමා වෙච්ච දෙයක් නෙමෙයි. ෆේස්බුක්, බ්ලොග් වගේ අවිධිමත් මාධ්‍යකරණයේ යෙදෙන්නන් උනත් මේ ගැන කතා කිරීමේදී අවධානයෙන් කටයුතු කිරීම වැදගත් කියලා මම හිතනවා.

සාරියක් බෙල්ලේ වැල දාගන්ඩ පාවිච්චි කරන්ඩ පුළුවන් කියන එක මේ නිව්ස් එක දකිනකන් මගේ ඔළුවට ඇවිත් නොතිබ්බ දෙයක්.සමහර විට ඒ මම මෝඩ නිසා වෙන්ඩ ඇති.නමුත් මනුස්සයෙක්ට සියදිවි නසාගන්ඩ හිතුනත් ඒකට ක්‍රමවේදය හොඳින් සවිස්තරව දැන ඉන්න එක ඒ දිවිනසාගැනීම ඉක්මන් කරන්ඩ දායක වෙනවා කියන එකටනම් මම හිතන්නේ කවුරුත් එකඟ වේවි.මොකද දෙවැනි කෙල්ලට හිත හිතා ඉන්ඩ උවමනා උනේ නෑනේ.

අපි බලමු දිවි නසාගැනීමක් වාර්ථා කිරීමේදී වාර්ථාකරුවෙක් අනුගමනය කළයුතු රීතීන් මොනවද කියලා.රීතීන් කිව්වේ මේවා නීති විදිහට ලංකාවේ අනුගමනය කළයුතු කරුණුද කියලා මම දන්නේ නැති හින්දා.නමුත් අපිට විධිමත් මාධ්‍යවේදීනුත් බ්ලොග් අවකාශයේ ඉන්න හින්දා ඔවුන්ගෙන් ඒ ගැන පැහැදිලි කිරීමක් බලාපොරොත්තු වෙමු.

දිවිනසාගැනීමක් පුවත්පතක මුල් පිටුවේ පල නොකළ යුතුයි.

"දිවි නසාගැනීම, සියදිවි හානිකර ගැනීම" වැනි සෘජු අර්ථය දැක්වෙන වදන් පුවතේ මාතෘකාව විදිහට නොයෙදිය යුතුයි.

ප්‍රවෘත්තිය හැඟීම් උපදවන ආකාරයට වාර්ථා නොකළ යුතු අතර කරුණු සහ සාධක පමණක් වාර්ථා කළ යුතුයි.

දිවිනසාගැනීමේ ක්‍රියාව වර්ණනා කරමින් වීර ක්‍රියාවක් ලෙස අගය කරමින් වාර්ථා නොකළ යුතුයි.

දිවි නසාගත් ක්‍රමවේදය සවිස්තරව පල නොකළ යුතුයි. (උදා: සාරියක් ආධාරයෙන් බාල්කයේ එල්ලී මිය ගොස් ඇත.)

මියගිය පුද්ගලයාගේ ඡායාරූප හෝ ක්‍රමවේදයේ ඡායාරූප පළ නොකළ යුතුයි.

සියදිවි නසාගැනීම වෙනුවට ගතහැකිව තිබූ විකල්ප ක්‍රමවේදයන් ගැන සවිස්තරව සාකච්ඡා කළ යුතුයි.



ඇත්තටම මේ රීතීන් එහෙම නැත්නම් සදාචාර සීමාවන් මොන මාධ්‍යකරුවාද ආරක්ෂා කරන්නේ? මේ රීති හඳුන්වලා දීලා තියෙන්නේ අපේ රටේ ඉන්න මී හරක් උපදේශකයෝ වගේ ගොබිලෝ නෙමෙයි.අන්තර්ජාතිකව කරන ලද පර්යේෂණ සහ ගවේශන වල ප්‍රතිඵල විදිහට ඉදිරිපත් කරනු ලැබූ සහ අනුගමනය කිරීමෙන් සාර්ථක ප්‍රතිඵල ලැබූ න්‍යායයන්.බොරුවට උගුර ලේ රහ වෙනකන් මාධ්‍ය නිදහස ගැන, මාධ්‍ය සදාචාරේ ගැන කෑ ගැහුවට ඒකෙන් කාටවත් වෙන සෙතක් නෑ.මාධ්‍ය කරුවෙක්ගේ වගකීම මොකක්ද? රටේ මිනිස්සුන්ට මෝඩ ආතල් එකක් දීලා අනිත් වැදගත් ප්‍රශ්න අමතක කරවන එකද?

අපේ රටේ මිනිස්සු ලේ පිපාසිත ජාතියක්.ඒක හොඳටම එළි දැක්කේ උතුරේ සටනේ අන්තිම දින කීපයේ.මාත් ඇතුළුව රටේ මිනිස්සු ඔක්කොම හවසට ගෙදර ආවේ කොටි කීයක් මැරිලද බලන්ඩ.යුද්ධයේ විනාශය බලන්ඩ.හමුදා කාරයින්ට වඩා කොටි මැරිලනං අපි හැමෝම සතුටු උනා.උඩ පැන්නා. හුරේ තිබ්බා.ඒ මෘග ලේ පිපාසිත මානසිකත්වය අපේ ඔළුගෙඩි ඇතුලේ වර්ධනය කළේ මාධ්‍යය.යුද්ධේ ඉවර වෙලා කිරිබත් කාලා මිනිස්සුන්ට නිවෙන්ඩ දුන්නේ නෑ.දෙමෙල්ලු පස්සෙ එළවලා හති වැටිලා හිටපු අපිව හම්බයාට විරුද්ධව උසි ගැන්නුවෙත් ඒ කට්ටියම තමයි.හරක් මරන එක පව් කියන ගමං හම්බයා මැරුවට කමක් නෑ කියලා ඔළුවට දැම්මා.අපේ ගෑනුංගේ හෙළුව වහන්ඩ කියන ගමං හම්බ ගෑනුංගේ බුර්කාව ඉරන්ඩ පෙළඹෙව්වා.අපේ මැටි මෝල් ජනතාව ඕනේ දේකට උසිගන්නන්ඩ ලේසියි.අපේ වෘෂභයෝ බහුතරයක් දන්න ලොකුම කලා මාධ්‍ය තමයි ටෙලි නාට්‍ය ටික.මොන්ටිසෝරි යන පොඩි එකාත් දන්නවා ඒ ඒ නාට්‍යවල ඉන්න ගෑනු කොයි එකා එක්කද මේ දවස්වල බුදිය ගන්නේ කියලා.ඉඳලා හිටලා දවසක් දෙකක් දොරමඬලාව බැලුවම උං හිතන්නේ උංගේ අධ්‍යාත්මේ සුපිරිසිඳු වෙනවා කියලා.

ටෙලි නාට්‍යවල වගේම නිව්ස්වලත් කඳුළු මාකට් කරන්ඩ පුළුවන් වෙලා තියෙන්නේ අපේ හිත්වල තියෙන කුහක කම හින්දා.අපිට වඩා අසරණ වෙන උන් ඉන්න එක අපේ හිත්වලට සතුටක්.නැත්තන් වෙන එකෙක් අඬන එකක් දිහා කට ඇරං බලං ඉන්නත්, ඒ වෙලාවට චැනල් එක මාරු කළොත් මරාගෙන කන්ඩ පනින්නත් ඕනේ නෑනේ.අපේ ජාතියේ ලේ පිපාසිත කම තවත් හොඳට පේන තැනක් තමයි ඔය නිව්ස්වල සමහර දාට දාන වගේම ගොඩක් ගොසිප් සයිට්වල තියෙන "සංවේදී අය බලන්ඩ එපා" කියලා ලේබල් කරලා තියෙන ඒවට වැඩිම හිට්ස් ලැබීම.කවුරු හරි මැරිලා ඉන්න දර්ශන, ලේ සහිත දර්ශන ඇයි මෙච්චර ආසාවෙන් බලන්නේ?ඒයිටත් වඩා ලොකු ප්‍රශ්නේ තමයි ඇයි ඒවා පෙන්නන්නේ? කාටවත් ඒකෙන් ඇති වැඩේ මොකක්ද?

මොනවා හරි අපරාධයක් උනාම ජනතාව ඒ ගැන දැනගන්න ඕනේ.ඇයි එහෙම උනේ සහ කවුද ඒක කළේ කියලා.ඒ නැවත ඒ වගේ සිදුවීමක් සිද්ධ වෙන එක වළක්වගන්ඩ.නමුත් අපරාධයක් සිද්ධ වෙච්ච තැනක ඡායාරූප හරි වීඩියෝ දර්ශන හරි පෙන්නන එකෙන් මිනිස්සුන්ට ඇති වැඩේ මොකක්ද?ඒවා බලලා මිනිස්සු තෘප්තියක් ලබනවද?මම දකින විදිහට එහෙම පෙන්වන එකෙන් වාසි දෙකක් ලැබෙනවා.මිනිස්සුන්ගේ මොළ කුණු උනාම මේ ජඩමාධ්‍ය කාරයින්ට තවත් ඒ වගේ කුණු නිව්ස් විකුණන්ඩ පුළුවන් වෙනවා.ඒ වගේම ලේ පිපාසිත කම උලුප්පලා තිබ්බම පාලකයින්ට ඕනේ ඕනේ වෙලාවට මිනිස්සුන්ව කුලප්පු කරන්ඩ පුළුවන් වෙනවා.ඒ ඇර මිනිස්සුන්ට් වෙන යහපතක් නම් නෑ.

ලොකු අනතුරක් වෙච්ච වෙලාවට අපේ රටේ මාධ්‍ය ආවරණය ඔබ දැක ඇති.තුවාල සහිතව, සිහිවිසඥව රෝහලට ගේන රෝගියාට රෝහල ඇතුලට යාමට පෙර මාධ්‍යකාරයාගේ ඡායාරූපයට පෙනී සිටින්න සිදු වෙනවා.හෙදියන්ගේ, ඇටෙන්ඩන් මහත්වරුන්ගේ, සහ වෛද්‍යවරුන්ගේ රාජකාරියට බාධාකරමින් තඩි කැමරා උස්සාගෙන ඔවුන්ගේ මාධ්‍ය මෙහෙවර කරන්ඩ කටයුතු කරන හැටි දැක්කම ලේ කුපිත වෙන එක වළක්වන්ඩ හරි අමාරුයි.රෝගියාගේ ජීවිතය බේරාගැනීමට වඩා ඔවුන්ට වැදගත් වෙන්නේ රටේ ඉන්න අනිත් උංගේ මන දොළ පුරවන එක.

මාධ්‍යකාරයින්ගේ අනිත් කුණු වැඩේ ගැන මම මීට කළින් ලියන්ඩ හිටියේ.ඔන්න ඒ ගැන මොඩර්න් පේට්‍රියට් ලොක්කා ලියලා තිබ්බා.හැම පත්තරේකම, රූපවාහිනී නාලිකාවක්ම මිනිස්සුංගේ ඔළු මේ හඳහන්, අනවින, හූනියම්, වශී, වගේ මළවිකාරවලින් පුරවන්ඩත් පටං අරං.කාලයක් නැගලා ආපු ෆෙංශුයි කියන ප්‍රෝඩාව දැන් ටිකක් විතර යට ගිහිල්ලා.ඒත් නැත්තටම නැති වෙලානං නෑ.පේට්‍රියට් ලොක්කා ඔබාමාට යෝජනා කරළා තිබ්බා වගේ ඇයි මෙහෙම දේවල් තියෙනවනං ඒවා ජාතික මට්ටමෙන් ප්‍රයෝජනයට ගන්නේ නැත්තේ?අනික අපි අනාදිමත් කාලෙක ඉඳං හඳහන් බලලා, නැකැත් බලලා, සුභ වෙලාව සුභ දිශාව බලලා හැම වැඩක්ම පටන් ගන්නේ.ගෙයක් හැදුවත් වාස්තු විද්‍යාවට අනුව දොරවල් උළුවහු තියලා මුදුන් ලීය තියලා නියම සාස්තරේ අනුව කරන එකේ අපි මේ වෙනකොට ලෝකේ දියුණුම ජාතියක් වෙලා ඉන්ඩ ඕනේ නැද්ද? භෞතිකව නැත්තං අධ්‍යාත්මිකව හරි. ඔය මළ විකාර පුහු දේවල් දාලා මැටි මිනිස් රැළක් පාලිතයෝ විදිහට තියාගෙන පාලකයින්ට සැප විඳින්ඩ දෙන්ඩ දායක වෙන ජනමාධ්‍යකාරයින්ට මොනවද කරන්ඩ ඕනේ? මුන්ට ජනමාධ්‍යවේදීන් කියලා කියන්ඩ පුළුවන්ද?ජනමාධ්‍යවේදීන් කියන්නේ ජනතාව වෙනුවෙන් මාධ්‍යකරණයේ යෙදිය යුතු උන් නේද?

දිනුක ජයකොඩි නම් අරාජිකවාදියාගේ අදහස

සියදිවි නසාගැනීම් මේ රටේ එදත් සිද්ධ උනා.අදත් සිද්ධ වෙනවා හෙටත් සිද්ධ වේවී.අනිත් දිවිනසාගැනීම්වලට නොලැබුණු ප්‍රචාරයක් මේ ඡන්දය කට ළඟ තියාගෙන මේ සිද්ධියට පමණක් ලැබුණේ (දුන්නේ) ඇයි? මට හිතෙන්නේ මේක ඔවුන්ගේ යෝධ මැතිවරණ සැලැස්මේ එක් පුංචි ප්‍රයෝගයක් විතරයි කියලා.ෆේස්බුක් වගේ දෙයක් එක්ක පටලවලා ඒ වගේ නවීන සංකල්පයකට එරෙහිව ජන මතයක් ඇති කළාට පස්සේ ලොක්කා ෆේස්බුක් තහනම් කරන්ඩ් ඕනේ කියලා අදහසක් දැම්මම මිනිස්සුංගේ මනස ඇතුලේ පුංචියට හැඟීමක් එනවා අපේ ලොක්කා හරියට අපි ගැන හිතනවා කියලා.මොකද විපක්ෂය කොහෙත්ම ෆේස්බුක් තහනම් කරන්ඩ කතා කරන්නේ නෑ කියන එක මිනිස්සුන්ට ශුවර්.ඒක සනාථ කරමින් විපක්ෂය ප්‍රකාශ කළා එහෙම දෙයක් කළොත් ඒකට විරුද්ධව ක්‍රියා මාර්ග ගන්නවා කියලා.ඒ වගේම ජෙප්පො කියලා තිබ්බේ උංගෙ ආණ්ඩුවක ඉන්ටර්නෙට් නොමිලේ දෙනවා කියලා.ඉතිං මේක හොඳ අවස්ථාවක් තවත් මැටි මෝල් ඡන්ද ටිකක් ලොක්කට කඩා ගන්ඩ.ෆේස්බුක් තියා මළපොතේ අකුරක් බැරි උං හිතන්නේ ලොක්කා රට ලොවෙත් තැනකට ගෙනෙයි කියලා.ඒකත් බාලගිරිදෝසෙ වගේ අද නෙමෙයි හෙට තමයි කියලා උන්ට මතක් වෙන්නේ නෑ.මාධ්‍යකාරයෝ ආණ්ඩුවේ උවමනාවට ෆේස්බුක් එක මාරයෙක් වගේ පෙන්නලා දුන්නම ඔය ඉන්න ආච්චිලා සීයලාට මතක් වෙන්නෙ නෑ උන්දැලාගේ කාලෙත් ෆේස්බුක් තියා මොන මළදානයක්වත් නැතිව උනත් ලව් කෙරිලි, ලියුං ලිවිලි, කොටු පැනිලි වගේ හැම අළුගුත්තේරු වැඩක්ම වෙච්ච බව සහ ඒ පළහිලව් හින්දා දිවිනසා ගත්තු උනුත් හිටපු බව.

මෙහෙම ජනතාව කුලප්පු කිරිල්ල නිසා තව ජීවිත කීයක් නැති උනත් උන්ට ගාණක් නෑ.උංගේ ඡන්ද ව්‍යාපාරෙට තව ඡන්ද කීයක් හරි ලැබෙනවනං.

මේ වගේ අදහසක් බස්සත් ලියලා තිබ්බා අද උදේ දැක්කා...


දිනුක ජයකොඩි නම් මනෝ විද්‍යාඥයාගේ අදහස

මිනිස්සු විවිධාකාරය.සමහරු බුද්ධිමත් වෙද්දී සමහරු බුද්ධි හීනයෝ වෙති.සමහරු උස වෙද්දී සමහරු කොට වෙති.සමහරුන්ගේ පෙනීම දියුණු වෙද්දී සමහරුන්ගේ පෙනීම අඩු වේ.මෙසේ සිදු වන්නේ ඒ ඒ මිනිසාගේ ජානවල එකතුව අනුවය.සමහර මිනිසුන් තුලු ඉතා දියුණු ජාන පවතී.සමහරුන් තුල ඇත්තේ දුර්වල ජාන එකතුවකි.අතීතයේ, එනම් මිනිසා ශිෂ්ඨාචාර ගත වීමට පෙර අපි අද "කැලෑ නීතිය" නමින් හඳුන්වන උචිතතමයාගේ ප්‍රවර්ථනය හෙවත් උචිතෝන්නතිය ක්‍රියාත්මක විය.එනම් ශක්තිමත් බුද්ධිමත් තැනැත්තා පමණක් ප්‍රජනන කාර්යය සඳහා අවකාශ ලබා ගැනීමය.එවිට ඔහුගේ දියුණු ජාන පමණක් ඊළඟ පරම්පරාවට හිමිවූ අතර දුර්වල ජාන සහිත වූවෝ ප්‍රජනන අවකාශ නොලැබී යාම නිසා ඔවුන්ගේ දුර්වල ජානද සමඟ මිය ගියෝය.

නමුත් ශිෂ්ඨාචාරයේ ඇරඹීමත් සමඟ මෙකී ස්වභාවික ක්‍රියාවලිය ක්‍රමයෙන් අඩපණව ගියේය.එයට හේතුව වූයේ සමාජයේ සියළුම වැසියන්ට ප්‍රජනන අවකාශ ලැබීමය.එනිසා මිනිසා ජානමය වශයෙන් දියුණු වුවද, දුර්වල වුවද ඔහුගේ ජාන ඊළඟ පරම්පරාවට දායාද කර දීමට හැකි වීම නිසා සමස්ථ මානව ප්‍රජාවගේ ජාන සියල්ල එක්ව සළකන්නාවූ "ජාන කිටුව" නම් ප්‍රපංඡය දුර්වල ජාන පිරිපහදු වීමකින් තොර වීම නිසා සංශෝධනයකින් තොරව එක තැන පල්වෙමින් පවතී.

පූර්වයේ පැවති කැලෑ නීතිය අදත් ක්‍රියාත්මක වූයේනම් හෝ වෛද්‍ය කර්මය භාවිතයේ නොමැති වී නම් අද අප සමාජයේ හෘදයාබාධ, පිළිකා වැනි බොහොමයක් රෝග තත්ත්ව නොමැති සමාජයක් වන්නට ඉඩ තිබුණි.

සියදිවි නසා ගැනීම යනු දුර්වල මනෝභාවයකි.එවන් දුර්වල මනෝ භාවයන් ඇති වීමට පුද්ගලයෙකුගේ බුද්ධි මට්ටම බොහෝ සෙයින් බලපායි.එනම් දුර්වල ජානයන්ගේ සෘජු හෝ වක්‍ර ක්‍රියාවන් නිසා මිනිසුන් සියදිවි නසාගැනීමට පෙළඹෙතැයි සිතිය හැක.එවන් වූ දුර්වල ජාන සහිතවුන් නව පරම්පරාවට ඔවුන්ගේ දුර්වල ජාන එක් නොකොට මියයන්නේ නම් පරම්පරා කීපයකට පසුව සියදිවි නසාගැනීමට පෙළඹෙන්නවුන්ගෙන් තොර සමාජයක් ඇති වීමේ සම්භාවිතාව ඉතා ඉහලය.


21 February 2014

කන්නලව් කරන හැටි II




පඬුරු විදිහට පන්සීයක් තිබ්බට හරියන්නෑ කියලා දෙයියෝ ගැන දන්න උදවිය කිව්ව කටකතා හින්දා මාත් ආයේ සල්ලි සල්ලි කියලා බලන්නැතුව දෙදහක්ම තියලා පූජා වට්ටිය ලෑස්ති කළා.පළතුරු අස්සේ ගහලා හඳුන්කූරු පත්තු කරලා සුවඳ ජාති ඉහලා පළතුරු ටික කන්ඩ බැරි විදිහට වර්චස් කළාට පස්සේ කපු මහත්තයා මගේ අතිං පළතුරු වට්ටිය ගත්තේ දෙයියන්ට දැකලා පැහැදෙන්ඩ.ඊට පස්සේ පොල් ගෙඩිය උඩිං කපුරු පෙති තියලා ඒක පත්තු කරලා ඒක අල්ලගෙන දෙයියෝ සිහි කරගන්ඩ කිව්වාම මම හිතුවේ මේකා මාව බිල්ලකටවත් දෙන්ඩ යනවාද කියලාය.

ඒ උනාට ගෝලයා දුම්මල ඉහ ඉහ දුංවලින් දේවාල කාමරේ පුරවද්දි කපු මහත්තයා පොඩ්ඩ පොඩ්ඩ වෙව්ලන්ඩ පටං අරගෙන අන්තිමට ඇස් දෙකත් උඩ ගිහිල්ලා කටිං අමුතු සද්ද දාන්ඩ පටං ගත්තම මට හිතුනේ පොරට අපස්මාරෙවත් හැදිලද දන්නෑ කියලාය.කපු මහත්තයා මූර්ධජ, මහාප්‍රාණ සහ කැපිටල් අකුරු තියෙන සද්ද දාද්දි ගෝලයා ඒවා ට්‍රාන්ස්ලේට් කරන්ඩ ගත්තා.එතකොට තමයි මට තේරුණේ මේ කපුවා දේව බාසාවෙන් දොඩවන්නේ කියලා.ඒක දේව භාෂාවනං දේව සභාව මහා ඝෝසාකාරී කර්ණකඨෝර ඩිස්කෝ මඩුවක් වගේ වෙන්ඩ ඇති කියලයි මට හිතුනේ.

"ඕං හ්‍රීං ඛණ්ඪ භීට්‍රී...ආඛෝ ඵාණ්ඪු..වාහඃ"

"යුෂ්මතාගේ නැතිවෙච්ච දෙයක් ගැන දැනගන්ඩද ආවේ?"  කපුවා කියන ඒවා ගෝලයා සිංහලෙන් මගෙං අහනවා.

"නැති වෙච්ච දෙයක් නෙමෙයි මල්ලි.නැති වෙන්ඩ යන දෙයක් බේරගන්ඩයි ඕනේ"

" මට නෙමෙයි අයිසේ දෙයියන්ට උත්තර දෙනවා.."

"සොරි දෙයියනේ, නැතිවෙන්ඩ යන දෙයක් නැති වෙන එක වලක්කගන්ඩ විදිහක් අහගන්ඩයි ආවේ." මම කිව්වේ දෙයියෝ කොහෙද ඉන්නේ කියලා බලන ගමං.

"මොනවද හොයන්නේ? වටපිට බලන්නැතුව පොල් ගෙඩියත් එක්කම නළලේ තියාගෙන වැඳගෙන අහන ඒවට උත්තර දෙනවා.." ගෝලයා බෙරිහන් දුන්න පාරට මම පොල් ගෙඩිය නළල ගාවට ගත්තා.තව පොඩ්ඩෙන් ඇවිලෙන කපුරු පෙත්තෙං කොණ්ඩෙත් ගිනි ගන්නවා.

කපුවා ආයෙත් උගුර යටිං ගොර ගොර ගාලා මොනවද කිව්වා.

"බොහොම වටිනා කියන දෙයක් නේද ඔය නැතිවෙන්ඩ යන්නේ?"  දුම්මල දුම මැද්දෙං ගෝලයාගේ කටහඬ මතු උනා.

"සෑහෙන්ඩ වටිනවා දෙයියනේ"

"දෙයියෝ කියනවා දම් රෝ එකෙන් හොඳ සේප්පුවක් අරං ඒකේ දාන්ඩ කියලා.."



"සේප්පුවේ දාන්ඩ...මඟුල තමයි.දෙයියනේ මගේ ආත්මාභිමානය නැති වෙන්ඩ යන්නේ.තාත්තා කෙනෙක් විදිහට මගේ තියෙන ආත්මගරුත්වය, පිරිමියෙක් විදිහට මගේ තියෙන පෞරුෂේටයි කෙළ වෙන්ඩ යන්නේ...අනේ මේක බේර ගන්ඩ මට පිලියමක් කියලා දෙන්ඩ මගේ දෙයියෝ...."

කපුවගේ වෙවිලිල්ල පොඩ්ඩකට නැවතුනා.දුම අස්සේ හරියට පේන්නැති උනාට මට හිතුනෙම කපුවයි ගෝලයයි දෙන්නා මට ඇහෙන්නැති වෙන්ඩ මොනවා හරි කසු කුසු ගෑවා කියලමයි.කපුවා ආයෙත් කළිං ගානට පරල උනා.

"යුෂ්මතාගේ බිරිඳ නාමයෝජනා බාර දෙන්ඩ ගියාද?"

"අනේ නෑ දෙයියනේ අපේ උන්දෑ චිත්‍රපටි ටෙලිනාට්‍ය තියා ඇඩ් එකකවත් ඉඳලා නෑ.අනික අපේ ගෑනිගේ කකුල් දෙක උඩටම පේන ෆොටෝ එකක් අන්තර්ජාලේ හොයාගන්ඩ ඇත්තෙත් නෑ.බැරි වෙලාවත් එහෙම ෆොටෝ එකක් තිබ්බනං බල්ලො බත් කන්නෙත් නෑ. එහෙව් එකේ අපේ ගෑනි කොහොමද ඡන්දෙ ඉල්ලන්නේ?"



"තමුංගේ පවුල් ප්‍රශ්න මේ වෙලාවේ කියලා දෙයියංගේ කාලේ කන්ඩ එපා.ඒවා විසඳගන්ඩ වෙනම පැකේජ් එකක් තියෙනවා.දැං ආව කාරනේ කියනවා හොඳයි..!!"

"ප්‍රශ්නේ අපේ කොල්ලා දෙයියනේ.ඌ "ලබ්බෝ ගිනි" කාර් එකක් ඉල්ලලා මැරෙන්ඩ හදනවා.මොන ලබ්බෝ ගිනිද දෙයියනේ, මේ දවස්වල අපි ගෙදරට කිරි හරකෙක් ගන්ඩ සල්ලි එකතු කරනවා."

"ලබ්බෝ ගිනි නෙවෙයි බං, 'ලැම්බෝගිනි'. " ගෝලයා මාව නිවැරදි කළා.

"ඒ මදිවට ඌ කියනවා අපේ ගෙවල් ළඟ පාර වහලා දෙන්ඩලු ඌටයි උගේ යාළුවන්ටයි රේස් පදින්ඩ.එහෙම එකක්වත් කරගන්ඩ බැරි තාත්තා කෙනෙක්ගෙං ඇති වැඩේ මොකක්ද කියලා ඌ අහනවා."

"දෙයියො කියනවා ඒකනං කරන්ඩ පුළුවං කියලා.හැබැයි ප්‍රාදේශීයසභා සභාපතිට නර බිල්ලක් දෙන්ඩ ඕනෑ.පුංචි ගෑනු ළමයෙක්"

"අනේ දෙයියනේ පුංචි ගෑනු ළමයි කොහෙං හොයන්ඩද? බැරිද මගේ ගෑනිව දීලා පොඩි ෂේප් එකක් දාගන්ඩ?"

"තමුන්ට ටෙලිනාට්‍යක් ටීවී එකේ දාගන්ඩ නං ඒ විදිහට කරගන්ඩ තිබ්බා.ඒත් මේ ප්‍රාදේශීය සභාවල ඉන්න බහිරවයින්ට ළපටි බිල්ලක් තමයි දෙන්ඩ ඕනේ.එහෙම නැත්තං තව පුළුවං විදෙස් බිල්ලක් දෙන්ඩ.හැබැයි පිරිමියා මරලා ගෑනිව දෙන්ඩ ඕනේ බහිරවයට."

"අනේ දෙයියනේ එහෙම දොළපිදේනි මම කොහොමද හොයන්නේ.නර බිල්ලක් අපි දුන්නොත් පොලීසිය අල්ල ගනී අපිව සුටුස් ගාලා.ඔය වෙන ඒවා හොයාගන්ඩ බැරි උනාට.අපේ කොල්ලා තව කියනවා ඌට ඕනෙලු රොකට් එකක් අරින්ඩ. රේස් අස්පයෙක් ඇති කරන්ඩ. හැඩ බල්ලො හදලා බලු ප්‍රදර්ශනවලට අරං යන්ඩ.හැඩ කෙල්ලෝ එක්ක නයිට් ක්ලබ් යන්ඩ.එහෙම උන්ට සතුටෙන් ඉන්ඩ බැරි මම සල්ලි හොයන්ඩ දන්නෙ නැති හින්දලු.උසස් වීමක් ගන්ඩ දන්නැති හින්දලු.වෙන ගෑනියෙක් එක්ක නිදාගෙන නැති තාත්තගෙ පිරිමිකම මොකද්ද කියලා ඌ අහනවා.ඇත්තටම මටත් දැං ශුවර් නෑ දෙයියනේ."

"ඇත්තටම තමුසෙ වෙන ගෑනියෙක් එක්ක නිදාගෙන නැද්ද ඕයි.තමුසෙ මහ පො..හ්..හ්ඃ..." හිනා වෙවී කතා කරන්ඩ ගිය ගෝලයට දුම්මල ඉස්මොල්ලේ ගියා.

"ඌට මම අරං දීපු සපත්තු දාන්ඩ බැහැලු.ඌට 'ලුයීටොං' සපත්තු දෙකක් ඕනෙලු."

"ලුයීටොං නෙමෙයි ඕයි ලුවී විටෝන්" කපුවට දේවභාසාව අමතක වෙලා හෙලුවෙන් වැනුවා.



"මොන මඟුල හරි දෙයියනේ.ඌට ඌ කියන ඒවා අරං දුන්නෙ නැත්තං මට බැණලා ලියුමක් ලියලා තියලා සාරියකිං බෙල්ලෙ වැල දාං මැරෙනවා කිව්වා මට කෙළ වෙලා යන්ඩ."
කපුවා ආයෙත් ගෝලයගේ කණට කොඳුරනවා මට යන්තං වගේ පෙනුනා.

"දෙයියෝ කියනවා ඕකට පොඩි කෙමක් කළාම ඇති කියලා.ගිහිං තමුංගේ බිරිඳට කියනවා කොල්ලා ගෑනිගේ සාරියකිං බෙල්ලෙ වැල දාගන්ඩ යනවා කියලා.දැං ඔය පොල් ගෙඩිය අර එළියෙ තියෙන ගලේ ගහලා වහාම ගෙදර යනවා."

වැඩේ අති සාර්ථක විය.සාරියේ කේස් එක කණ වැකුණු බිරිඳ මාරාවේශ වූවාය.පන්ති යන්වා කියා රස්තියාදු ගසා රෑ වී ගෙදර ආ කොල්ලාට ඈ දුන් 'අපර් කට්' පහරින් ඌ කෑම මේසය මතින් විසිවී ගොස් බිත්තියේ හැපී නතර විය.මේසය උඩ තිබූ කරවිල හොද්ද දැමූ තසිම කැබලි දස දහසකට කැඩී බිත්ති සියල්ල වර්ණවත් කළේය.



"හාල්පොත වගේ තියෙන එකම සාරියටත් කෙළින්ඩද උඹ හැදුවේ? ආයේ එහෙම උඹ නිකං පල්පාට් දැම්මොත් දෙන්නේ දත් කැඩෙන්ඩ.තෝව හදපු මට තෝව මකවන්ඩත් පුළුවං."

කොල්ලා බිම වැටී තිබූ දත් අහුලනවාය.මගේ බිරිඳගේ මේ වේශය මම දැකලා තිබ්බේම නැත.

"හරිනේ කරවිල එකත් හැළුවනේ.දැං ඉතිං බඩගින්නේ බුදිය ගනිං"

මමත් බඩගින්නේ නමුත් හිතේ සන්තෝසයෙන් යහන් ගත උනෙමි.