16 May 2012

දයාබර මිනිසා


ඔබා මාමා යන්න ගියේය.මම මගේ ජීවිතයේ මිය ගියවුන් දැක ඇත්තෙමි.මිය යන්නවුන් දැක ඇත්තෙමි.මා විශ්වාස කරන අන්දමට මිනිසෙකුට ලද හැකි සන්තෝෂජනකම සහ සාමකාමීම මරණයට මෙම වාසනාවන්ත මිනිසා උරුමකම් කියා ඇත.සිය ජීවිතයේ වගකීම් ඉටුකොට දිවියේ සැඳෑ සමය ගතකරමින් සිංහල බ්ලොග්කරුවන්ගේ සිත් සතන් ආමන්දානන්දයට පත් කරමින් සැමට සතුට බෙදා දෙමින් ලිපි ලියූ ඔහු අවසන් මොහොතට පෙරද කාගේත් බ්ලොග්වලට කොමෙන්ට් කර හිතේ සතුටින් අවසන් ගමන් ගියේ ය.

දයාබර ඔබා මාමේ ඔබ සතුටින් ගිය මඟ ඔබ ගිය ලෙසටම මටත් යෑමට පාර කියන්න.මෙවන් වාසනාවන්ත මරණයකට ඔබ උරුම කීවේ අන්‍යයන් සතුටු කිරීමේ යහ ක්‍රියාවේ ප්‍රථිඵලයක් නිසා වන්නට ඇත.

09 May 2012

අස්පයා




මම දැං දෙපාරක් ඩෙල්ෆ්ට් දූපතට යන්න විනෝද චාරිකා සංවිධානය කෙරුවාට ගමන් දෙකටම කෙළ උනේය.එක පාරක් සහභාගී වන්නන්ගේ ආර්ථික අහේනිය හින්දාය.මටත් කියලා මහ ලොකුවට සල්ලිය බාගේ නැති උනාට නොකා නොබී හරි යන මගුලක යන්න ඇඟේ උණ  නං තියෙනවා ය.අනිත් පාර ගමනාන්තයේ අහිතකර කාළගුණ තත්වයක් ගැන දූසමාන ආරංචියක් නිසා අනිත් උං පස්ස ගැහුවෝ ය.දරුණු ගිණි අවු කූටකේ කරක් ගහලා ඉහේ රදේ හදාගන්නට මමත් එච්චර මනාප නැති හින්දා ගමන දින නියමයකිං තොරව කල් ගියේ ය.

04 May 2012

වැදි බණ



අද ප්‍රවෘත්ති බලද්දි තවත් හිනා ප්‍රවෘත්තියක් දැක්කෙමි.විනය විරෝධීව හැසිරෙන විශ්ව විද්‍යාල ශිෂ්‍යයින්ගේ මහපොල කපා දාන්නේලු.දැං ඒ දිහා කට ඇරගෙන බලා සිටින අපේ රාජපාක්ෂික ජන්තාව සිතන් නේ 'අන්න හොඳ වැඩක් කරලා.ඕකුන්ට ඔහොමමයි වෙන්ඩ ඕනෙ' කියලාය.විශ්වවිද්‍යාලෙකට යන අයෙක් ළඟපාතක සිටියොතින් 'ඔන්න පේනවනෙ.දැංවත් ඔය උද්ඝෝෂණ නවත්තලා දාලා හොඳට ඉගෙනගනිල්ලා' කියලා කියනවා අනිවාර්යයි.